"ÝUNESKO-nyň Assosirlenen mekdepler tory" taslamasy Türkmenistanyň birnäçe orta mekdeplerini öz içine aldy
Bilimler we talyp ýaşlar gününde Arkadag şäherinde, Türkmenistandaky birnäçe orta mekdeplere ÝUNESKO-nyň Assosirlenen mekdepler toruna goşulandygyny görkezýän halkara şahadatnamalary gowşurmak dabarasyny geçirildi.
Birleşen Milletler Guramasynyň Türkmenistandaky hemişelik utgaşdyryjysy Dmitriý Şlapaçenko mekdep müdirlerine şahadatnamalary dabaraly ýagdaýda gowşurdy. ÝUNESKO-nyň Assosirlenen mekdepler toruna Aşgabat şäheriniň daşary ýurt dillerini, takyk, tebigy dersleri çuňlaşdyryp öwredýän ýöriteleşdirilen 140-njy orta mekdebi, Ahal welaýatynyň Kaka etrabynyň 19-njy orta mekdebi, Balkan welaýatynyň Balkanabat şäheriniň tebigy ugurly derslere ýöriteleşdirilen 21-nji orta mekdebi, Daşoguz welaýatynyň Daşoguz şäheriniň iňlis dili, himiýa we biologiýa dersleri çuňlaşdyrylyp öwredilýän ýöriteleşdirilen 26-njy orta mekdebi, Lebap welaýatynyň Türkmenabat şäheriniň daşary ýurt diline ýöriteleşdirilen 30-njy orta mekdebi, Mary welaýatynyň Mary şäheriniň 24-nji zehinli ýaşlar mekdebi girdi.
1953-nji ýylda başy başlanan “ÝUNESKO-nyň Assosirlenen mekdepler tory” taslamasy dünýädäki bilim edaralaryny - parahatçylygy döretmek we ynsanperwer gymmatlyklary wagyz etmek medeniýetleriň arasyndaky netijeli gatnaşyklary ösdürmek ýaly umumy bir maksada birleşdirýär.
ORIENT news
