Özbegistanda “Azerbaýjanyň gadymy Şuşa şäheri türk dünýäsiniň medeni paýtagtydyr” atly poçta markasy çap edildi. Özbegistandaky we Azerbaýjandaky muzeýlere, şeýle hem iki döwletiň we hökümetiniň wekillerine iberiler. Poçta markalaryny hödürlemek dabaralary Daşkende we Bakuwda geçiriler diýip, Geýdar Aliýew adyndaky Azerbaýjan medeni merkeziniň metbugat gullugy habar berýär.
Şu hepde Aşgabat şäherindäki Oguz han adyndaky Inžener-tehnologiýalar uniwersitetinde “Durnukly ykdysady ösüş: innowasiýalar we senagatlaşmak” ady bilen ýokary tehnologiýalaryň hepdeligi geçirilýär. Onuň çäklerinde ýurdumyzyň iň iri tehnologiýalar uniwersitetiniň talyplarynyň işläp taýýarlamalaryny görkezýän sergi guralýar.
Ozal, syýahatçylyk kompaniýalaryna öz hyzmatlaryny ýerine ýetirmek üçin hasaplarynda azyndan 5 million rubl pul bolmalydy. Täze teklibe görä, bu san 500 müň rubla çenli azaldylar.
Ministrler Kabinetiniň Başlygynyň orunbasary N.Amannepesow Garaşsyzlygynyň 32 ýyllyk baýramçylygyna taýýarlyk görülýän günlerde Aşgabat şäherine iş saparyny amala aşyrdy hem-de gözegçilik edýän düzümleriniň paýtagtymyzda alyp barýan işleri we Aşgabat şäheriniň arassaçylyk, abadanlaşdyryş derejesi bilen tanyşdy.
Türkmenistanda ýurdumyzyň suw hojalyk toplumynda zähmet çekýän hünärmenler üçin üç günlük seminarlaryň täze tapgyry başlandy. Okuwyň esasy maksady, daşky gurşaw meseleleri boýunça hünärmenleriň esasy bilimlerini “ýokarlandyrmak”, ýagny howanyň üýtgemeginiň suw baýlyklaryna sebit we milli derejede täsirini göz öňünde tutmakdyr. Şeýle hem, okuw maksatnamasynda hünärmenler Türkmenistanyň ykdysadyýetiniň dürli pudaklaryna suw üpjünçiligi üçin uýgunlaşma çärelerini dogry we wagtynda ulanmak endiklerini öwrenerler.
Türkmenistanly mugallymlar geljek ýylyň 9-njy ýanwary – 4-nji marty aralygynda iňlis dili boýunça global onlaýn okuwlara çagyrylýar. 4 hepdeläp dowam edýän okuwlar “Online Professional English Network” global maksatnamasynyň çäklerinde geçirilýär.
Watikanyň Türkmenistandaky ilçihanasynyň attaşesi, polşaly Anjeý Madeý Polşanyň döwlet sylagy - "Altyn Haç" sylagy bilen sylaglandy. Bu çözgüdi ýurduň Prezidenti Anjeý Duda kabul etdi.
100 ýaşdan geçýän raýatlaryň sany boýunça Ýaponiýa dünýäde ýene birinji orny eýeledi. Ýurtda olaryň sany ýene bir ýarym müň köpelip, jemi 92 müň 192-ä deň boldy.
Prezident Serdar Berdimuhamedow çagyryş boýunça harby gullugyny geçýän harby gullukçylary Türkmenistanyň Ýaragly Güýçlerinden, beýleki goşunlaryndan we harby edaralaryndan harby gullukdan boşatmak we ýurdumyzyň raýatlarynyň harby gulluga nobatdaky çagyrylyşy baradaky Permana gol çekdi.
Hususy awiakompaniýa K9 Jets, Dubaýdan Londona saýahat edýän öý haýwanlary we eýeleri üçin täze hyzmaty ýola goýdy. Kaşaň uçarda dört aýakly «syýahatçylar» eýeleri bilen syýahat ederler. Petegiň bahasy takmynan 10 müň dollar bolup, bir ýolagçy we umumy agramy 45 kg bolan iki ýa-da agramy 23 kg bolan bir öý haýwanlary üçin ýeri öz içine alýar diýip, K9 Jets howa gatnawynyň metbugat gullugy habar berýär.
Real Madrid, maşgala agzalarynyň janyny alan aýylganç ýer titremesinden soň ýetim galan Marokkoly 14 ýaşly janköýeri Abdul Rahim Auhidi öz akademiýasyna kabul eder.
Çişlik – köpleriň halaýan tagamy bolup, hiç hili dabara ýa-da baýramçylyk bu ýakymly ysly lezzetsiz geçmeýär. Gündogar, Merkezi Aziýa, Kawkaz we Gündogar Ýewropa ýurtlary çişligiň mekany hasaplanýar. Aslynda başda çişlik diňe inçe dogralan goýun etinden edilýän hem bolsa, wagtyň geçmegi bilen maňňalda et bişirmegiň dürli görnüşleri peýda boldy. Häzirki wagtda adamlar towukdan, balykdan, göle etinden, doňuz etinden we hatda gök önümlerden hem çişlik edýärler.
15-nji sentýabrda türkmen wekiliýeti Gazagystanyň Türkestan şäherinde Garaşsyz Döwletleriň Arkalaşygyna agza döwletleriň içeri işler ministrleriniň Geňeşiniň mejlisine gatnaşdy.
Türkmenistanyň Kerler we körler jemgyýetiniň Aşgabat, Türkmenabat we Mary şäherlerindäki durmuş edaralaryny döwrebaplaşdyrmak işleri tamamlanyp gelýär.
"Deniel" diýlip atlandyrylýan ýagyşly tupandan soň, 10-njy sentýabrda Liwiýanyň demirgazyk-gündogarynda, Ortaýer deňziniň kenaryna golaý sebitde 2 sany suw bendi ýaryldy.
