Garaşsyz döwletler arkalaşygynyň agza döwletleriniň bedenterbiýe we sport pudagyndaky hyzmatdaşlygy ösdürmegiň strategiýasy 19-njy iýulda GDA-nyň baş edarasynda ara alnyp maslahatlaşyldy.
Ynsanperwerlik kömegi üçin Ukrainadan hoşallyk haty Gurbanguly Berdimuhamedowyň Howandarlyga mätäç çagalara hemaýat bermek boýunça haýyr-sahawat gaznasyna iberildi. Bu haty gowşurmak üçin ukrain ilçisi Wiktor Maýko gaznanyň ýerleşýän ýeri – Arkadag şäherine geldi.
22-nji iýuldan başlap Russiýa Federasiýasynyň Türkmenistandaky ilçihanasy Russiýada okamaga gidýän ýurdumyzyň raýatlary üçin talyp wizasyny resmileşdirmäge gerekli resminamalary kabul edýändigini habar berýär.
Amerikanyň Birleşen Ştatlarynyň uniwersitetlerine we kollejlerine okuwa girmek isleýän ýaş türkmenistanlylar “Prep4Sucess” maksatnamasynyň çäklerinde 18 hepdelik taýýarlyk okuwlaryna çagyrylýar.
17-18-nji iýulda Türkmenistanyň harby we hukuk goraýjy edaralarynyň wekilleri adam hukuklary we gender deňligi boýunça okuw seminaryna gatnaşdylar. Ol Ýewropa Bileleşiginiň maliýeleşdirmeginde Merkezi Aziýada serhetleri dolandyrmak maksatnamasynyň (BOMCA 10) çäklerinde guraldy.
Birleşen Milletler Guramasynyň Ilat gaznasynyň Türkmenistandaky wekilhanasy nikadan geçýän ýaş çatynjalar üçin “Maşgala gymmatlyklary” ady bilen treningleri geçirýär. Bu barada wekilhana özüniň “Instagram” sahypasynda mälim edýär.
Russiýa Banky, «Kino» toparynyň lideri Wiktor Soýyň portreti bilen üç rubl kümüş teňňäni çykardy. Aýdymçy «öz döwrüniň kumiri» diýlip atlandyrylyp, onuň aýdymlary «üýtgedip gurmak döwrüniň nyşanyna öwrüldi» diýip, Russiýa Federasiýasynyň Merkezi Bankynyň habaryna salgylanyp RBC ýazýar.
Türkmenistanyň çagalar dynç alyş-sagaldyş merkezlerinde ýaş nesliň wekilleriniň adam hukuklary, çaganyň hukuklary we mümkinçilikleri çäkli adamlaryň hukuklary baradaky düşünjesini ýokarlandyrmaga gönükdirilen interaktiw çäreler tapgyry geçirildi. Olara Gökderedäki çagalar dynç alyş-sagaldyş merkezleriniň bäşisinde dynç alýan çagalaryň 250-den gowragy gatnaşdy.
Türkmenistanyň Daşary işler ministrliginiň Halkara gatnaşyklar instituty dört ugur boýunça: syýasy ylymlar we sebitleýin gözlegler, hukuk, ykdysadyýet we dolandyryş, köpçülikleýin habar beriş serişdeleri we maglumat we kitaphana işi boýunça magistr derejesini almak üçin kabul ediljekdigini habar berýär.
Arkadag şäheriniň 2023-nji ýylyň 1-nji sentýabryndan işläp başlajak dört sany okuw jaýynda taýýarlygyň 30 hünäri we ugry boýunça bilim almak bolýar.
Duşenbe güni Türkmenistanyň Belgiýadaky ilçisi Sapar Pälwanow Brýusseliň diplomatik akademiýasynyň müdiri doktor Günter Gaoblomme we geňeşçi Jan de Brabander bilen duşuşyk geçirdi. Akademiýa bilen Türkmenistanyň Daşary işler ministrliginiň Halkara gatnaşyklar institutynyň arasynda hyzmatdaşlyk gatnaşyklaryny ýola goýmak mümkinçiligi ara alnyp maslahatlaşylan mowzuk boldy.
Russiýanyň Kazan şäheri sentýabr aýynda Owganystanyň parahatçylyk meselesi boýunça Moskwa formatynyň täze duşuşygynyň geçiriljek ýeri bolar. Russiýa Federasiýasynyň Prezidentiniň Owganystan boýunça ýörite wekili Zamir Kabulowyň pikiriçe, duşuşyga formatyň ähli agzalary gatnaşar diýip, TASS habar berýär.
Ýaş türkmenistanlylar Beýik Britaniýadaky Jon Smit adyndaky Gaznanyň okuw maksatnamasyna gatnaşyp bilerler. Bu barada Beýik Britaniýanyň Türkmenistandaky ilçihanasy özüniň “Instagram” hasabynda habar berýär.
Ýekşenbe güni, 16-njy iýulda Kabulda ýüzlerçe ýerli täjirleri, iri we kiçi owgan kompaniýalarynyň wekilleriniň gatnaşmagynda halkara sergi ýarmarkasy açyldy. Mundan başga-da, Eýrandan, Türkmenistandan, Türkiýeden, Pakistandan we beýleki ýurtlardan gelen senagatçylar önümlerini sergide hödürlediler diýip, TOLOnews habar berýär.
“Talyban” hereketi tarapyndan esaslandyrylan Owganystanyň wagtlaýyn hökümetiniň Daşary işler ministri Amir Han Mottaki Kabulda Russiýanyň ilçisi Dmitriý Žirnow bilen duşuşdy. Bu barada TASS şenbe güni TOLOnews teleýaýlymyna salgylanmak bilen habar berdi.
