Prezident Serdar Berdimuhamedow anna güni 1301 adama Türkmenistanyň raýatlygyny bermek baradaky we 265 sany daşary ýurt raýatlaryna ýurtda ýaşamaga rugsat berýän Karara gol çekdi.
Türkmenistanda iş kesilen 1180 raýatyň günäsi geçildi. Olar Prezidentimiz Serdar Berdimuhamedowyň Permanyna laýyklykda tussaglykdan boşadylarlar.
Türkiýäniň iň gözel sebitleriniň biri bola Kappakodiýada Türkmenistanyň Garaşsyzlyk baýramy bellendi. Bu sebitde asmana uçurylmagy däbe öwrülen äpet howa şarynda Türkmenistanyň Baýdagy parlady.
"Türkmenistan" awiakompaniýasynyň ýeke-täk agenti bolup çykyş edýän "Türkmenistanyň Ulag-logistika merkezi" açyk görnüşli paýdarlar jemgyýeti howa ulagy arkaly ýük daşamalaryň giň toplumyny hödürleýär. Paýdarlar jemgyýeti eýýäm birnäçe söwda we senagat kärhanalaryň, döwlet we halkara düzümleriniň ygtybarly hyzmatdaşy hem-de ulag-ekspeditor agentligi hökmünde giňden tanalýar.
Işçi güýjüniň ýetmezçiligi bilen ýüzbe-ýüz bolan italýan fermerleri kömek sorap Gyrgyzystandaky kärdeşlerine ýüz tutdylar.
Arkadag şäherinde, Türkmenistanyň Garaşsyzlygynyň 32 ýyllygyna bagyşlanan şepagat uýalarynyň hünär ussatlygy bäsleşigi geçirildi diýip, “Arkadag” gazeti habar berýär.
Halk Maslahatynyň Aşgabatda 24-nji sentýabrda boljak mejlisine gatnaşmak üçin ýurdumyzyň sebitlerinden wekiller geldiler Bu barada Halkara habarlar merkezi mälim edýär.
Türkmenistanyň Garaşsyzlygynyň 32 ýyllygy mynasybetli, Mary welaýatynda Içeri işler ministrliginiň işgärleri üçin täze desgalar işe girizildi.
Oguzhan adyndaky Türkmenistanyň Inžener-tehnologiýalar uniwersiteti bilen Russiýa Federasiýasynyň Tatarystan Respublikasynyň Innopolis uniwersitetiniň arasynda wideoaragatnaşyk arkaly ylmy maslahat geçirildi.
Resminama laýyklykda, Gökdepe etrabynda döredilen täze ilatly ýerlere oba derejesi berildi we Köpetdag geňeşliginiň çäginde döredilen oba «Köpetdagyň ýalkymy» ady, Owadandepe geňeşliginiň çäginde döredilen oba «Nurly zaman» ady dakyldy.
Aşgabat, 2023-nji ýylyň 21-nji sentýabry: Türkmenistanyň Oguz han adyndaky inžener-tehnologiýalar uniwersiteti, Birleşen Milletler Guramasynyň Ösüş Maksatnamasy (BMGÖM) we Aşgabatdaky ÝHHG-niň Merkezi bilen bilelikde 2023-nji ýylyň 18-21-nji sentýabry aralygynda Aşgabat şäherinde “Durnukly ykdysady ösüş: innowasiýa we senagatlaşma” atly ýokary tehnologiýa hepdeligini geçirýär.
Beýik Britaniýanyň "William Reed" neşiri 2023-nji ýylda dünýäniň iň gowy 50 myhmanhanasynyň sanawyny düzdi. Oňa laýyklykda, dünýäniň iň gowy myhmanhanasy Italiýada ýerleşýän "Passalacqua" atly willa myhmanhanadyr.
“Ýenme” jemgyýetçilik guramasy Aşgabat şäheriniň ýaşaýjylaryny we myhmanlaryny “Öýe barýan ýol” teatr eserine çagyrýar. Bu spektakl maglumat we bilim beriji bolup, daşary ýurtlarda ýaşaýan migrant aýallaryň ykbaly barada gürrüň berýär.
Türkmenistanyň Garaşsyzlygynyň 32 ýyllygyna bagyşlanan çäre, çarşenbe güni Türkmenistanyň Türkiýedäki ilçihanasynyň we Türki dünýäsiniň Ýaşlar geňeşiniň goldawy bilen Ankarada geçirildi. Duşuşyga türkmenleriň we türk häkimiýetleriniň wekilleri, jemgyýetçilik, ylym we medeniýet wekilleri gatnaşdy diýip, türkmen diplomatik wekilhanasynyň metbugat gullugy habar berdi.
“Parahatçylygyň ýaş çaparlary” atly akyl-paýhas bäsleşigine 9,10 we 11 synp okuwçylary gatnaşyp bilýärler. Olar saýlama tapgyrda 100 sany test soragyna 60 minutda jogap bererler. Testler şu gezekki möwsümde Magtymguly Pyragy, XVII-XVIII asyr türkmen we dünýä taryhy, iňlis dili boýunça we zehin soraglary öz içine alar.
