Türki dilli döwletleriň guramasynyň baş sekretarynyň orunbasary Mirwohid Azimow şekilli aragatnaşyk arkaly «Halkara ulag-üstaşyr geçelgeleri: özara arabaglanyşyk we ösüş – 2023» (ITTC-2023) Aşgabat maslahatynda çykyş etmek bilen Türkmenistany arkadaş portlaryň mehanizmine birikmäge çagyrdy.
18-19-njy maýda boljak «Russiýa-Yslam dünýäsi: KazanForum 2023» Halkara ykdysady forumynyň çäklerinde Yslam hyzmatdaşlyk guramasy ýurtlarynyň ýaş telekeçileriniň gönümel gatnaşmaklary arkaly IX Kazan forumynyň duşuşygy geçiriler.
GDA ýurtlarynyň II Oýunlarynyň resmi saýty öz işine başlady – diýip, Syýahatçylyk baradaky milli agentlige salgylanyp, BelTA habar berýär.
Türkmenistanyň Döwlet serhet gullugynyň başlygynyň orunbasary Babamyrat Ýagşymow ÝHHG-nyň baş sekretary Helga Şmid bilen ikitaraplaýyn hyzmatdaşlygyň işjeňleşdirilmegini ara alyp maslahatlaşdy – diýip, Türkmenistanyň Wenadaky ilçihanasy habar berýär.
Gurakçylygy integrirlenen dolandyrmagyň meseleleri «Türkmenistanda uýgunlaşmany meýilleşdirmegiň milli ilerlemeleriniň ösdürilmegi» taslamasyny ýerine ýetirmek boýunça pudagara toparynyň mejlisiniň barşynda ara alnyp maslahatlaşyldy. Ol Türkmenistanyň hökümeti tarapyndan BMG-niň Ösüş Maksatnamasy we Ýaşyl howa gaznasy tarapyndan ýerine ýetirilýär.
Aşgabatda «Halkara ulag-üstaşyr geçelgeleri: özara arabaglanyşyk we ösüş – 2023» (ITTC-2023) sergisi dowam edýär, oňa 80-den gowrak edaralaryň we kompaniýalaryň wekilleri gatnaşýarlar.
3-nji iýunda bellenip geçilýän Bütindünýä welosiped güni mynasybetli BMG-niň ýanyndaky Türkmenistanyň hemişelik wekilhanasy welosipedli ýöriş guraýar. Bu barada hemişelik wekilhananyň resmi saýty habar berýär.
Türkmenistanyň Söwda-senagat edarasynda «Halkara ulag-üstaşyr geçelgeleri: özara arabaglanyşyk we ösüş – 2023» (ITTC-2023) sergisi açydy, ol ady bir halkara maslahatynyň çäklerinde geçirilýär.
Ýeňiş gününe bagyşlanan adaty konsert programmalary Aşgabatda 9-njy maýyň öňüsyrasynda başlar. Aýdym-saz marafony Maýa Kulyýewa adyndaky Türkmen milli konserwatoriýasy tarapyndan 3-nji maýda çarşenbe güni "Ýeňiş sazy" atly dabaraly çykyş bilen açylar.
BMG-nyň Baş sekretary António Guterreş adam hukuklary, hususan-da aýal-gyzlaryň hukuklary, inklýuziw dolandyryş, terrorçylyga we bikanun neşe söwdasyna garşy göreş ýaly möhüm meselelerde umumy pikire gelmek üçin Kataryň Doha şäherinde sammit üçin Owganystan boýunça ýörite wekilleri ýygnady. Duşuşyk bu meseleler boýunça Talyban bilen nähili işleşmelidigi barada halkara jemgyýetçiliginde umumy düşünişmäge gönükdirilendir.
Duşenbe güni Aşgabatda Ýewropanyň Ösüş we Täzeleniş Bankynyň «Türkmenistanyň zenan telekeçileri üçin halypalyk mekdebi-2023» atly taslamasy öz işine başlady. Ol Ýewropa Bileleşiginiň goldawy bilen «Işewür zenanlar» maksatnamasynyň çäginde geçirilýär.
Sişenbe güni, 2-nji maýda Aşgabatda awtoulag boýunça türkmen-rumyn toparynyň ikinji mejlisi geçirildi. Bu çäre çarşenbe güni açyljak ulag we üstaşyr geçelgeleri boýunça halkara forumyň çäginde geçirildi.
Halkara söwda proseduralarynyň ýönekeýleşdirilmegi we "bitewi penjire" mehanizmini ulanmak Türkmenistanyň BMG-nyň Ýewropa ykdysady komissiýasy bilen hyzmatdaşlygynyň, şol sanda ýurduň BSG-ä goşulmak prosesini hem göz öňünde tutýan iň möhüm taraplaryndan biri hasaplanýar. Bu barada sişenbe güni Türkmenistanyň Daşary işler ministriniň orunbasary Mähri Bäşimowanyň Türkmenistanyň BMG-nyň ÝYK-yň ýerine ýetiriji sekretarynyň orunbasary Dmitriý Maryasin bilen geçiren duşuşygynda gürrüň edildi.
Halkara Futbol Assosiasiýalary Federasiýasynyň (FIFA) prezidenti Janni Infantino 4-nji maýda Türkmenistana sapar bilen geler. FIFA-nyň başlygy bir günlük saparynyň dowamynda ýurduň we milli futbol federasiýasynyň ýolbaşçylary bilen "millionlarça adamyň oýny" bolan futboluň ösüşi we özara gatnaşyklaryň geljegi barada pikir alyşar - diýip, "Türkmenistan - Altyn asyr" elektron gazeti habar berýär.
Türkmenistanyň Döwlet gümrük gullugynyň wekilleri ýokary töwekgelçiligi bolan ýükleri gözden geçirmek, şeýle hem gümrük gözegçiliginiň häzirki zaman usullaryndan peýdalanmak boýunça bilelikdäki nazary-amaly okuwa gatnaşdylar. Bu barada Türkmenistanyň gümrük edarasynyň saýtynda habar berilýär.
