Söwda resminamalarynyň ýönekeýleşdirilmegi Türkmenistanyň BSG-ä girmegini çaltlaşdyryp biler
Halkara söwda proseduralarynyň ýönekeýleşdirilmegi we "bitewi penjire" mehanizmini ulanmak Türkmenistanyň BMG-nyň Ýewropa ykdysady komissiýasy bilen hyzmatdaşlygynyň, şol sanda ýurduň BSG-ä goşulmak prosesini hem göz öňünde tutýan iň möhüm taraplaryndan biri hasaplanýar. Bu barada sişenbe güni Türkmenistanyň Daşary işler ministriniň orunbasary Mähri Bäşimowanyň Türkmenistanyň BMG-nyň ÝYK-yň ýerine ýetiriji sekretarynyň orunbasary Dmitriý Maryasin bilen geçiren duşuşygynda gürrüň edildi.
Daşary işler ministrliginiň saýtynda berilýän maglumatlara görä, hyzmatdaşlygyň beýleki geljegi uly ugurlarynyň arasynda energetika, daşky gurşaw meseleleri, şäher meýilnamalaşdyryş we Türkmenistanda Arkadag şäheriniň döredilmegi bilen baglylykda, “akylly” şäherleri ösdürmek meselesi agzaldy.
Söhbetdeşler, şeýle hem BMG-nyň meýdançasynda ulag diplomatiýasyny ösdürmekde Türkmenistanyň esasy roly barada umumy pikirlerini beýan etdiler. Bu rol we multimodal transporty ösdürmek boýunça ýurduň halkara başlangyçlary bar bolan ulag infrastrukturasyny döwrebaplaşdyrmak we täzesini milli we sebit derejesinde ornaşdyrmak boýunça taslamalarda iş ýüzünde durmuşa geçirilýär.
Dmitriý Maryasin 3-4-nji maýda geçirilýän "Halkara ulag-üstaşyr geçelgeler: özara baglanyşyk we ösüş-2023" atly forumyň işine gatnaşmak üçin Aşgabada geldi.
ORIENT news
