"Ýeňiş sazy" Aşgabat şäheriniň ýaşaýjylaryny we türkmen paýtagtynyň myhmanlaryny baýramçylyk konsertine çagyrýar
Ýeňiş gününe bagyşlanan adaty konsert programmalary Aşgabatda 9-njy maýyň öňüsyrasynda başlar. Aýdym-saz marafony Maýa Kulyýewa adyndaky Türkmen milli konserwatoriýasy tarapyndan 3-nji maýda çarşenbe güni "Ýeňiş sazy" atly dabaraly çykyş bilen açylar.
Meşhur türkmen artistleriniň we ýaş aýdymçylaryň ýerine ýetirmeginde millionlarça adamyň söýüp diňleýän Beýik Watançylyk urşy baradaky aýdymlary ýaňlanar. Olaryň arasynda "Katýuşa", "Smuglyanka", "Maýskiý wals" we, elbetde Rasul Gamzatowyň sözlerine döredilen "Žurawli" (Durnalar) atly aýdymlar bar. Bu aýdymlary garymdaky esgerler, şeýle hem fronta giden esgerleriň eneleri, uýalary we aýallary aýdardylar.
Aýdym-saz agşamy, elbetde, Begenç Gaýyowyň ýerine ýetirmeginde Dawid Tuhmanowyň "Ýeňiş güni" atly aýdymy bilen jemlener. Konserte Atageldi Garyagdyýew, Atajan Berdiýew, Wladimir Mkrtumow, Bahar Durdyýewa, Döwran Şammyýew, Mansur Şaripow we beýlekiler gatnaşarlar.
Başlanýan wagty – 18:00, giriş mugt.
ORIENT news
