Fransuz dilindäki üçünji olimpiada maý aýynyň başynda Aşgabatda geçiriler. Dil bäsleşigi Türkmenistandaky Fransuz instituty tarapyndan gurnalýar. Aşgabatdaky we sebitlerdäki türkmen mekdeplerinde, şeýle hem fransuz institutynda fransuz dilini öwrenýän çagalar we ýetginjekler bäsleşige gatnaşyp bilerler.
BMG-nyň Baş Assambleýasynyň Türkmenistan tarapyndan teklip edilen Halkara ulag güni baradaky rezolýusiýasy kabul edilmäge taýýarlanýar. Bu barada Halkara ulag diplomatiýasy merkeziniň (ICTD) ýerine ýetiriji sekretary Igor Runow Aşgabatdaky ulag forumyna gatnaşyjylara habar berdi.
Ykdysadyýetiň ýol ulag pudagy pandemiýadan soň dikeldimek mümkinçiligine sabyrsyzlyk bilen garaşdy. Ol dikeldiş işinde möhüm orun tutýan hem bolsa, täze – serhetlerde uzyn nobatlar, pudakda işgärleriň ýetmezçiligi ýaly kynçylyklar bilen ýüzbe-ýüz bolýar. Östaşyr köp ýurtda 50 göterimden gowrak ýokarlandy. Şeýle-de bolsa, Amerikanyň, Aziýanyň we Ýewropanyň 25-den gowrak ýurdunda täjirçilik ýol ulaglary operatorlaryny gözden geçirenden soň, bu pudakda 2,5 milliondan gowrak hünärmen sürüjiniň ýetmezçilik edýändigi anyklandy. Halkara ýol ulaglary bileleşiginiň (IRU) baş sekretary Umberto de Pretto, Aşgabatdaky ulag forumyna gatnaşyjylara ugradan wideo ýüzlenmesinde pudagyň şeýle kynçylyklar barada durup geçdi.
Aşgabat ITTC-2023 ulag maslahatyna gatnaşyjylar ulag we logistika pudagynda halkara geçelgäni emele getirmek bilen, sebit aragatnaşygyny üpjün edýän häzirki zaman şertleriň we mümkinçilikleriň döredilmegine aýratyn üns berdiler, - diýip, TRACECA-nyň Hökümetara toparynyň Hemişelik sekretariatynyň Baş sekretary Aset Asawbaýew çykyşyna başlady.
Apple kompaniýasy Google bilen bilelikde howpsuzlygyň täze ölçegini işläp düzýär, ol AirTag trekeriniň kömegi bilen adamlaryň yzarlamagyna garşy göreşmekde kömek eder. Bu barada Apple kompaniýasynyň resmi saýtynda aýdylýar.
Şu gün Türkmenistan Demir ýollaryň hyzmatdaşlygy guramasynyň meýdançasynda işjeň agzalaryň biridir. Ýurduň DÝHG-nyň halkara aragatnaşyklaryndaky konteýner otlylaryndaky konteýner daşamalary boýunça ylalaşygyna birigenden soňra ýagdaýlar has-da pugtalandy – diýip, Miroslaw Antonowiç – Demir ýollaryň hyzmatdaşlyk guramasynyň Komitetiniň başlygy (DÝHG) «Halkara ulag-üstaşyr geçelgeleri: özara arabaglanyşyk we ösüş – 2023» (ITTC-2023) maslahatyna özüniň şekilli ýüzlenmesinde aýtdy. Forum Aşgabatda 3-nji maýda işe başlady.
Bolgariýa «ýaşyl energiýany» Hazar deňziniň azerbaýjan böleginden Gara deňziň üsti bilen Ýewropa daşamak boýunça taslama bilen gyzyklanýar – diýip, Azerbaýjanyň energetika ministrligine salgylanyp, Trend habar berýär.
Sişenbe güni, 2-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $26,4 müň amerikan dollaryna we 2,2 mln türkmen manadyna deň bolan 3 geleşik baglaşyldy – diýip, ORIENT-iň habarçysy habar berýär.
Türkiýede ýurduň günorta-gündogarynda Şirnak welaýatynyň Judi we Gabar etraplarynda nebitiň täze gorlaryny ýüze çykardylar – diýip, «Anadolu» agentligi habar berýär.
BMG-niň ÝYK-nyň ýerine ýetiriji sekretarynyň orunbasary Dmitriý Marýasin MA ýurtlaryny eTIR halkara ulgamyna birikmegi tizleşdirmäge çagyrdy, ol Özbegistan, Azerbaýjan, Gruziýa we Pakistan ýaly sebitiň köp ýurtlarynda eýýäm ornaşdyrylandyr.
– ESCAP, sebitiň durnukly ösüşi bilen baglanyşykly möhüm meseleler boýunça sebitara hyzmatdaşlygyň özboluşly hökümetara platformasy hökmünde, arabaglanyşyk boşluklaryny ýapmaga ýardam bermäge synanyşýar – diýip, Aziýa we Ýuwaş ummany sebitiniň ýurtlary boýunça Ykdysady we sosial komissiýanyň ýerine ýetiriji sekretary Armida Salsia Alisjabana aýtdy.
Aşgabatda geçirilýän ulag forumynyň doly işewürlik maksatnamasy maslahatdan we sergiden başga-da ähtnamalara we şertnamalara gol çekilmegini, seminarlaryň, tegelek stollaryň geçirilmegini göz öňünde tutýar, olarda ýurdumyzyň we daşary ýurtlaryň bilermenleri söwda, senagat zolagy, elektron täjirçilik, ulag we logistika, ulag ekspedisiýasy, ulag infrastrukturasyny ynamly dolandyrmak, lizing we karz bermek babatynda döwrebap öňdebayjy tejribeler bilen tanyşdyrarlar.
Aşgabatda «Halkara ulag-üstaşyr geçelgeleri: özara arabaglanyşyk we ösüş – 2023» atly iki günlük maslahat öz işine başlady, ol üpjün etmeleriň ugurlarynyň döredilmegine we ösdürilmegine, bütindünýä logistik zynjyrlaryna birikmäge, harytlaryň üstaşyr daşalmagyny ýeňilleşdirmäge ýardam bermäge, ykdysadyýet we hyzmatdaşlyk üçin esasy pudagyň infrastruktura we ylmy-tehniki üpjün edilmegine ýardam etmäge niýetlenendir.
Türkmenistanyň Belgiýadaky ilçisi Sapar Pälwanow ynanç hatlaryny bermek we ÝB-niň komissiýasynyň başlygy Ursula fon der Lýaýen bilen boljak duşuşygy maslahalaşmak üçin Ýewropanyň protokol bölüminiň baştutany Pernilla Helin bilen duşuşdy.
Türkmenistanyň Gazagystandaky ilçisi Batyr Rejepow meşhur ýerli bloger Ýakow Fýodorow bilen söhbetdeş boldy. Çekişmäniň barşynda olar «halk diplmatiýasynyň» öňe gidişini we onuň sosial torlarda beýan edilişini ara alyp maslahatlaşdylar – diýip, türkmen diplomatik wekilhanasy habar berýär.
