Türkmenistanyň serhet gullugynyň baştutanynyň orunbasary ÝHHG-nyň baş sekretary bilen hyzmatdaşlygy işjeňleşdirmegi ara alyp maslahatlaşdy
Türkmenistanyň Döwlet serhet gullugynyň başlygynyň orunbasary Babamyrat Ýagşymow ÝHHG-nyň baş sekretary Helga Şmid bilen ikitaraplaýyn hyzmatdaşlygyň işjeňleşdirilmegini ara alyp maslahatlaşdy – diýip, Türkmenistanyň Wenadaky ilçihanasy habar berýär.
Ýagşymow bitaraplygyň ýörelgelerini amaly ulanmak boýunça Türkmenistanyň başlangyçlaryny düşündirdi, şeýle hem döwlet düzümleri bilen ÝHHG-nyň arasyndaky gatnaşyklara ýokary baha berdi.
Türkmenistanyň wekili ÝHHG-nyň baş sekretarynyň we Merkezi Aziýanyň serhet serkerdeleriniň Forumynda ýurduň wekiliýetine baştutanlyk edýär, onuň barşynda sebitiň bäş ýurdunyň araçäklerinde howpsuzlyk çärelerine seredildi.
Mundan başga-da, Türkmenistanyň, Gazagystanyň, Özbegistanyň, Täjigistanyň we Gyrgyzystanyň serhet gullyklary ÝHHG bilen hyzmatdaşlygy toplumlaýyn pugtalandyrmak temasyna degip geçdiler.
ORIENT habarlar
