Türkmen žurnalistleri üçin KHBS-de adam hukuklarynyň meselelerini beýan etmek boýunça onlaýn-seminar öz işine başlady. Oňa gazetleriň we žurnallaryň, telewideniýäniň, maglumat onlaýn-neşirleriň işgärleri, türkmen ýokary okuw mekdepleriniň žurnalistika fakultetiniň talyplary, şeýle hem jemgyýetçilik birleşmeleriniň hünärmenleri gatnaşýarlar.
Ýokary derejedäki gepleşikleriň jemleri boýunça Türkmenistan we Täjigistan Respublikasy strategik hyzmatdaşlygy çuňlaşdyrmak hakynda Jarnamany kabul etdiler – diýlip, Täjigistanyň prezidenti Emomali Rahmonyň döwlet baştutanynyň resmi saýtynda çap edilen metbugat üçin beýanatynda aýdylýar.
Türkmenistanyň Prezidenti Serdar Berdimuhamedowyň we Täjigistanyň baştutany Emomali Rahmonyň giňeldilen düzümdäki gepleşikleriniň barşynda söwda-ykdysady hyzmatdaşlygy mundan beýläk ösdürmek üçin çäreleri kabul etmek barada ylalaşyklar gazanyldy – diýip, TR-nyň lideriniň saýtynda habar berilýär.
Hytaýda «Týançžou-6» ýük daşaýjy kosmos gämisiniň we «Çançžen-7 Y7» raketa-göterijisiniň utgaşykly uçurulmagynyň öňüsyrasynda tamamlaýjy toplumlaýyn türgenleşikler geçirildi. Çäreler ähli ulgamlaryň gowy ýagdaýdadygyny we uçuşa doly taýýardygyny tassykladylar. Bu barada Hytaýyň pilotirleýji kosmonawtikasynyň maksatnamasynyň (CMSА) edarasynda habar berdiler.
Duşenbede Milletler Köşgüniň öňünde Türkmenistanyň Prezidenti Serdar Berdimuhamedowyň Täjigistanyň baştutany Emomali Rahmon tarapyndan resmi garşylanyş dabarasy boldy – diýip, TR-nyň lideriniň saýty habar berýär.
Twitteriň mikrobloklar serwisi birnäçe ýylyň dowamynda işjeň bolmadyk hasaplary aýryp başlar. Bu barada Twitteriň baş direktory Ilon Mask habar berdi.
Türkmenistanyň Pakistandaky ilçisi Atajan Möwlamow Pakistanyň häzirki zaman dilleriň Milli uniwersitetiniň (NUML) rektory Muhammad Jafar bilen duşuşdy hem-de onuň bilen bilim pudagyndaky türkmen-pakistan hyzmatdaşlygyny ara alyp maslahatlaşdy.
Sişenbe güni, 9-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $16,2 mln amerikan dollaryna deň bolan 4 geleşik baglaşyldy – diýip, ORIENT-iň habarçysy habar berýär.
Türkmenistanyň Prezidenti Serdar Berdimuhamedow döwlet sapary bilen Täjigistana geldi – diýip, Türkmenistanyň Duşenbedäki ilçihanasy habar berýär.
Hytaý üstümizdäki ýylyň ýanwar — aprel aýlarynda eksporty 2,5% artdyrdy, importy bolsa 7,3% kemeltdi. Şeýle maglumatlary Hytaýyň gümrük müdirligi getirýär – diýip, Prime portaly habar berýär.
BMG-niň çagalar gaznasynyň (ÝUNISEF) Türkmenistandaky wekilhanasy ýurdumzyň Saglygy goraýyş we derman senagaty ministrligine üç sany konteýnerli kislorod enjamlaryny berdi – diýlip, bu guramanyň metbugat habarynda aýdylýar.
Türkiýäniň paýtagtynda dünýäniň islendik nokadyndan metaäleme elýeterliligi bolan Meta-ofis hereket edip başlady – diýip, ýurduň prezidentiniň administrasiýasynyň aragatnaşyklar Müdirliginiň baştutany Fahretdin Altuna salgylanyp, Anadolu agentligi habar berýär.
Özbegistanyň Merkezi saýlaw komissiýasy 9-njy iýula bellenen möhletinden öňki prezident saýlawlary boýunça kampaniýanyň başlanýandygyny yglan etdi.
Türkmenistanyň Prezidenti Serdar Berdimuhamedowyň Täjigistanyň baştutany Emomali Rahmon bilen Duşenbedäki gepleşikleriniň jemleri boýunça 24 resminama gol çekildi – diýip, TR-nyň lideriniň saýtynda habar berilýär.
Doha şäherinde iki ýurduň wekilleri Türkmenistan bilen Katar döwletiniň arasynda atçylyk pudagyndaky hyzmatdaşlygy ara alyp maslahatlaşdylar. Gepleşiklerde türkmen wekiliýetine Halk atşynasy we Aba Annaýew adyndaky Halkara atçylyk akademiýasynyň rektory Pygy Baýramdurdyýew ýolbaşçylyk etdi. Iş sapary 5-10-njy maý aralygynda Türkmenistanyň Katardaky ilçihanasynyň goldawynda geçirilýär.
