Özbegistan Respublikasynyň prezidentiniň möhletinden öňki saýlaw kampaniýasy başlandy
Özbegistanyň Merkezi saýlaw komissiýasy 9-njy iýula bellenen möhletinden öňki prezident saýlawlary boýunça kampaniýanyň başlanýandygyny yglan etdi.
Ýurduň MSK-nyň baştutanynyň orunbasary Bahrom Kuçkarowyň habar bermegine görä, 13-nji maýa çenli partiýalar özleriniň ygtyýarlandyrylan wekillerini hasaba almak baradaky ýüz tutmany bermeli we 15-nji maýa çenli saýlawlara gatnaşmak üçin resminamalary tabşyrmaly.
17-nji maýdan 1-nji iýuna çenli partiýalar tarapyndan dalaşgärleriň hödürlenmegi meýilleşdirilýär. Öz gezeginde, dalaşgärleri hasaba almak baradaky resminamalar 2-nji iýuna çenli MSK-na tabşyrylmalydyr. Hasaba almak 6-njy iýunda tamamlanmaly.
Prezidentlige dalaşgäri hödürlemek hukugyna diňe syýasy partiýalar eýedir. Özbegistanda bäş sany syýasy partiýa hasaba alnandyr.
ORIENT habarlar
