Hytaýda «Týançžou-6» kosmos gämisini uçurmak üçin startdan öňki türgenleşikler tamamlandy
Hytaýda «Týançžou-6» ýük daşaýjy kosmos gämisiniň we «Çançžen-7 Y7» raketa-göterijisiniň utgaşykly uçurulmagynyň öňüsyrasynda tamamlaýjy toplumlaýyn türgenleşikler geçirildi. Çäreler ähli ulgamlaryň gowy ýagdaýdadygyny we uçuşa doly taýýardygyny tassykladylar. Bu barada Hytaýyň pilotirleýji kosmonawtikasynyň maksatnamasynyň (CMSА) edarasynda habar berdiler.
Pekiniň aerokosmiki uçuşlary dolandyrmak müdirliginiň bir bitewi dispetçerçilik utgaşdyrmasy boýunça «Wençan» kosmodromy, hemralary dolandyrmagyň Sian merkezi, şeýle hem uçuşa gatnaşýan ähli gözegçilik-ölçeýji stansiýalar we gämiler, uçurmadan ozalky türgenleşige gatnaşdyla we dürli ulgamlaryň tehniki ýagdaýyny barlamak, şeýle hem ulgamlar arasyndaky birikdiriş we utgaşdyryş işleriniň nä derejede ukyplydygyny barlamak maksady bilen, startdan öňki taýýarlygyň, uçurylyşyň we gäminiň uçuşynyň tapgyrlaryndaky ähli amallary gaýtalap, synagdan geçirdiler.
Kosmos gämisi «Týançžou-6» häzirki wagtda Ýeriň orbitasynda «Týangun» kosmos stansiýasynyň bortunda ýerleşýän «Şençžou-15» missiýasynyň ekipažynyň agzalary üçin egin-eşik, agyz suwuny we azyk önümlerini elter, şeýle hem «Şençžun-16»-nyň öňde duran missiýasy üçin zerur bolan zatlary elter.
«Týançžou-6» şeýle hem 1,7 tonna ýangyjy ýany bilen alyp gider, onuň 700 kg hytaý kosmos stansiýasynyň hereketlendirijileri işledip bilmegi we öz işini alyp barmagy üçin «Týanguna» berler.
ORIENT habarlar
