«Ussatlyk ädimleri» atly ýaş pianinoçylaryň II Bütin Russiýa açyk bäsleşiginde okuwçy Aýnur Otuzowa we mugallym Jeýhun Babaýew birinji orny we laureat derejesini aldylar. Olar Sergeý Rahmaninowyň «№ 1 orkestri bilen fortepiano üçin konserti 1-nji bölüm» kompozisiýasyny hödürläp, «Mugallym-okuwçy» dalaşgärliginde ýeňiji boldular.
Türkmenistanyň BMG-däki hemişelik wekilhanasynda ilçi Aksoltan Ataýewanyň Irlandiýanyň BMG-däki hemişelik wekili Fergal Miten bilen duşuşygy geçirildi.
9-njy maý, sişenbe güni Aşgabatda A.S.Puşkin adyndaky türkmen-rus mekdebiň çäginde «Baky polkuň» ýörişi geçirildi. Geçirilmegi däbe öwrülen bu çärä 1 200 adam gatnaşdy. Mekdebiň mugallymlary we okuwçylary Beýik Watançylyk urşuna gatnaşan atalarynyň, eneleriniň, mama-babalarynyň we beýleki garyndaşlarynyň portretleri bilen mekdebiň daşynda ýöriş guradylar.
9-njy maý, Ýeňiş güni Russiýa Federasiýasynyň Aşgabatdaky ilçihanasy baýramçylyk kabul edişligini geçirdi, oňa weteranlar, diplomatlar, ýerli we ýurtda akkreditlenen daşary ýurt habar beriş serişdeleriniň žurnalistleri we beýleki myhmanlar çagyryldy.
Gruziýanyň parlamentarileriniň Türkmenistana öňde boljak saparynyň meseleleri Türkmenistanyň Gruziýadaky ilçisi Döwletmyrat Myradowyň Gruziýanyň Parlamentiniň deputaty, hukuk işleri boýunça toparyň başlygynyň birinji orunbasary, «Gruziýa-Türkmenistan» Parlamentara dostluk toparynyň baştutany Dawid Matikaşwili bilen duşuşygynyň barşynda ara alnyp maslahatlaşyldy.
18-19-njy maýda Siandaky sammitde Türkmenistan, Gazagystan, Özbegistan, Täjigistan we Gyrgyzystan Hytaý bilen «möhüm syýasy resminama» gol çekerler. Bu barada Hytaýyň DIM-niň wekili Wan Wenbin metbugat maslahatynyň barşynda «Ženmin žibao» neşiriniň žurnalistleriniň soraglaryna jogap berende beýan etdi.
Dünýäde birbada birnäçe ýurt taryhyndaky iň sowuk maý günleri barada habar berdiler. Mysal üçin, Awstraliýanyň paýtagty Kanberrada gar we doly ýagdy, şeýdip hem geçen hepdäni 23 ýyldan gowrak wagtyň dowamyndaky iň sowuk döwür holmünde görkezdi.
Duşenbe güni, 8-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $16,2 mln amerikan dollaryna deň bolan 8 geleşik baglaşyldy – diýip, ORIENT-iň habarçysy habar berýär.
Türkmenistanly sazandalar 30-dan gowrak ýurtlaryň wekilleri bilen birlikde Özbegistanyň Syrdarýa welaýatyndaky Gülistan şäherinde bagşyçylyk sungatynyň III Halkara festiwalyna gatnaşdylar.
Türkmenistanyň hökümetiniň we BMG-niň DÖM-ny maliýeleşdirmek boýunça bilelikdäki bilermenler toparynyň ýedinji mejlisi boldy. Toparyň agzalary Türkmenistanda DÖM-ny maliýeleşdirmegiň Toplumlaýyn milli mehanizmleriniň ýerine ýetirilmegindäki ýetilen ösüşe garadylar we ýurtda ösüşi maliýeleşdirmäge baha bemegiň netijelerine laýyklykda geljekki hereketleriň meýilnamasyny kesgitlediler.
Senagaty awtomatlaşdyrmak üçin maglumatlar önümini amerikan üpjün edijisi Rockwell Automation we onuň paýlaýjysy AB Market Türkmenistanyň we Azerbaýjanyň bazarlaryna çykýarlar.
Qingdao Relong Technology Co., Ltd. hytaý kompaniýasy Hazar şäheriniň golaýynda Hazar deňziniň kenarynda düýbi çuňlaşdyrmak işleriniň geçirilmegi üçin läbik sorujy dredgingi Türkmenistana iberdi – diýip, Dredging Today habar berýär.
Türkmenistanyň Prezidenti Serdar Berdimuhamedow Beýik Watançylyk urşunda gazanylan ýeňşiň 78 ýyllygynyň baýram edilmegine bagyşlanan dabaralara gatnaşmak üçin Moskwa bardy.
Türkmenistanyň Ýaponiýadaky ilçisi Atadurdy Baýramow Kobe şäheriniň häkimi Kizo Hisamoto bilen duşuşyk geçirdi, onuň bilen ikitaraplaýyn medeni-ynsanperwer hyzmatdaşlygy giňeltmegiň meselelerini ara alyp maslahatlaşdy – diýip, türkmen diplomatik wekilhanasy habar berýär.
Türkmenistanyň Prezidenti Serdar Berdimuhamedow Ýeňiş güni mynasybetli Gyzyl meýdançada guralan ýörişe gatnaşdy. Ýöriş başlamazdan ozal Russiýanyň Prezidenti Wladimir Putin dabaralara gatnaşmak üçin Moskwa sapar bilen gelen daşary ýurt döwlet ýolbaşçylaryny Kremlde garşy aldy.
