Gazagystan Hazarüsti halkara ulag ugry (Orta geçelge) arkaly ýük gatnawyny artdyrmagy meýilleşdirýär. Bu barada Gazagystanyň prezidenti Kasym-Žomart Tokaýew Jiddada «Merkezi Aziýa + Aýlagyň arap döwletleriniň hyzmatdaşlygynyň Geňeşi» atly birinji Sammitde çykyş etmek bilen beýan etdi.
Türkmen wekiliýeti GDA-nyň Ykdysady geňeşiniň ýanyndaky ykdysady meseleler boýunça Toparyň Moskwada geçen nobatdaky mejlisine gatnaşdy.
Türkmenistanyň Döwlet medeniýet merkeziniň döwlet ktaphanasynda ýaşlary elektron kitaphanalara çekmek we elektron kitaplary okamaga höweslendirmek boýunça maslahat geçirildi. Oňa kitaphana ulgamynyň, bilim we medeniýet işgärleri gatnaşdylar.
Gyrgyzstanyň öz emeli intellekti peýda bolar. Bu barada respublikanyň sanly ösüş ministri Talantbek Imanow habar berdi.
19-njy iýulda Türkmenistanyň daşary işler ministriniň orunbasary Wepa Hajiýew Aşgabada sapar bilen gelen GDA-nyň Ýolçularyň hökümetara geňeşiniň başlygy Buri Karimow bilen duşuşdy.
19-njy iýulda Türkmenistanyň Döwlet haryt-çig mal biržasynda nebit önümlerini satyn almak barada uly söwda geleşikleri baglaşyldy. Has takygy, umumy bahasy 53 million amerikan dollaryna barabar 18 geleşik baglaşyldy.
Prezidentimiz Serdar Berdimuhamedowyň Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammitine gatnaşmak üçin Saud Arabystana eden saparynda Türkmenistanyň Söwda-senagat edarasynyň başlygy Mergen Gurdow Kataryň paýtagty Doha şäherinde döwlet Baştutanymyzyň tabşyrygy boýunça Kataryň Söwda-senagat edarasynyň müdiriýetiniň agzasy Mohammed bin Ahmed Al-Obaýdli bilen duşuşdy.
Özbegistanyň paýtagty Daşkent şäherinde mekdep okuwçylarynyň arasynda küşt boýunça Aziýanyň 17-nji çempionatynda ýaş türkmen küştçüleri ildeşlerimizi täze ýeňişleri – kümüş we bürünç medallary bilen begendirdiler.
Prezidentimiz Serdar Berdimuhamedow Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammitiniň çäginde mirasdüşer şazada, Saud Arabystany Patyşalygynyň premýer-ministri Mohammed bin Salman bin Abdulaziz Al Saud bilen duşuşdy.
Türkmenistanyň Prezidenti Serdar Berdimuhamedow çarşenbe güni Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammitinde eden çykyşynda çylşyrymly halkara syýasy ýagdaýyň tagallalary birleşdirmäge we zerur kararlary kabul etmegine mätäçdigini aýtdy.
Garaşsyz döwletler arkalaşygynyň agza döwletleriniň bedenterbiýe we sport pudagyndaky hyzmatdaşlygy ösdürmegiň strategiýasy 19-njy iýulda GDA-nyň baş edarasynda ara alnyp maslahatlaşyldy.
Ynsanperwerlik kömegi üçin Ukrainadan hoşallyk haty Gurbanguly Berdimuhamedowyň Howandarlyga mätäç çagalara hemaýat bermek boýunça haýyr-sahawat gaznasyna iberildi. Bu haty gowşurmak üçin ukrain ilçisi Wiktor Maýko gaznanyň ýerleşýän ýeri – Arkadag şäherine geldi.
Braziliýa Federatiw Respublikasynyň ilçisi (ýerleşýän ýeri Astanada) Rubema Antonio Korrea Barboza çarşenbe güni Türkmenistanyň Daşary işler ministriniň orunbasary Wepa Hajyýewe ynanç hatynyň nusgalaryny gowşurdy. Ministriň orunbasary, diplomaty jogapkär wezipä bellenmegi bilen gutlap, türkmen tarapynyň diplomatik missiýasynyň ýerine ýetirilmeginde ýardam we goldaw bermäge taýýardygyny aýtdy.
Türkiýäniň Beýburt şäherinde XXVII “Gorkut Ata” halkara medeniýet we sungat festiwaly geçirilýär. Oňa Türkiýäniň we Merkezi Aziýa döwletleriniň döredijilik we sungat işgärleri, köpçülikleýin habar beriş serişdeleriniň wekilleri gatnaşýarlar.
22-nji iýuldan başlap Russiýa Federasiýasynyň Türkmenistandaky ilçihanasy Russiýada okamaga gidýän ýurdumyzyň raýatlary üçin talyp wizasyny resmileşdirmäge gerekli resminamalary kabul edýändigini habar berýär.
