Gyrgyzstan öz emeli intellektini döreder

Iýul 20, 2023 | 10:45 |3759

Gyrgyzstanyň öz emeli intellekti peýda bolar. Bu barada respublikanyň sanly ösüş ministri Talantbek Imanow habar berdi.

Emeli intellekt gyrgyz dilindäki sözleýişi tanar, tekstleri ýazar we seljerme geçirer.

Mundan başga-da, ýurt maglumatlary işlemegiň Döwlet merkezini döretmegi meýilleşdirýär. Başlangyç döwlet dili boýunça Milli topar we programma üpjünçiligini we okatmak platformalaryny işläp düzmek boýunça toplumlaýyn çözgütlere ýöriteleşen «Ulut Soft» korporasiýasy tarapyndan ýerine ýetiriler.

Ministriň aýtmagyna görä, giňişlik maglumatlarynyň milli infrastrukturasyny döretmek we onlaýn-gurşawda ýerli sanly kontenti kämilleşdirmek boýunça işler işjeň alnyp barylýar.

ORIENT habarlar