Gazagystanyň kliniki hassahanalarynda öý haýwanlaryny çipleme arkaly hasaba almak işine girişildi. 1-nji sentýabra çenli ähli itler we pişikler doly hasaba alynmaly. Haýwanyň eýesi çip goýdurmakdan ýüz dönderen ýagdaýynda, oňa jerime salnar – diýip, “Kazinform” Halkara habarlar agentligi habar berýär.
Özbek mekdebe çenli çagalar edaralarynda çagalary mini-çişlikler we lezzetli somsalar bilen iýmitlendirip başladylar. Täze synag menýusy 1- nji iýundan 1-nji sentýabr aralygynda Daşkendäki birnäçe çagalar bagynda işe girizildi. Soňra mugallymlaryň pikirlerini we tekliplerini, şeýle hem ene-atalaryň isleglerini göz öňünde tutup, tutuş ýurt boýunça täze azyk ulgamyny ornaşdyrmak meýilleşdirilýär diýip, «Özbegistan 24» teleýaýlymynyň habarynda aýdylýar.
Malaýziýa motosikl ekspedisiýasynyň sürüjileri London-Kuala-Lumpur ugry boýunça 21-nji iýulda 16 ýurdy öz içine alýan 19-njy nokady bolan Türkmenistana üstünlikli ýetdiler.
Azerbaýjan Respublikasynyň Prezidenti Ilham Aliýew Merkezi Aziýa döwletleri bilen ösdürilýän hyzmatdaşlyga oňyn baha berdi. Bu barada “Trend” habarlar agentligi Şuşa şäherinde geçirilen ählumumy mediaforumyna salgylanyp habar berýär.
Türkmenistanyň Döwlet haryt-çig mal biržasynda 21-nji iýulda geçirilen söwdalarda umumy bahasy 4,3 million dollar bolan söwda geleşikleriň 11-si baglaşyldy. Birleşen Arap Emirliklerinden gelen işewürler “Türkmenhimiýa” döwlet konserniniň kärhanalarynda öndürilen 105 müň tonna karbamidi 2,7 million amerikan dollaryna satyn aldy.
Saud Arabystanynyň Döwlet maýa goýum gaznasy Patyşalykda düýe hojalygynyň ösüşini üpjün etmek üçin Sawani kompaniýasynyň döredilýändigini yglan etdi.
Emeli intellekti öwretmek üçin Condor Galaxy 1 (CG-1) atly dünýäde iň güýçli superkompýuter görkezildi.
Gyrgyzstanda ýurtda «ýaşyl» binalaryň gurluşygyny öňe sürjek ekologiki gurluşygyň Geňeşi döredildi.
Türkmenistanyň wekilleri GDA agza-döwletlerden beýleki delegatlar bilen bir hatarda syýahatçylykda hyzmatdaşlygy ösdürmegiň Strategiýasyny ýerine ýetirmek boýunça 2024-2026-njy ýyllar üçin çäreleriň Meýilnamasynyň taslamasyny gutarnykly işlemek we ylalaşmak boýunça bilermen toparynyň mejlisine gatnaşdylar. Bu barada Arkalaşygyň Ýerine ýetiriji komiteti habar berýär.
Türkmenistanyň halkara işini has-da işjeňleşdirmek maksady bilen wise-premýer, Daşary işler ministri Raşid Meredow anna güni geçirilen hökümet mejlisinde ýurduň daşary syýasatynyň durmuşa geçirilişi we Daşary işler ministrliginiň işi bilen baglanyşykly birnäçe teklipleri berdi.
Türkmenistan iri halkara sergilerinde, şol sanda Ýaponiýada geçiriljek World Expo Osaka 2025 we oktýabr aýynda Katarda daşky gurşawy goramak, çölleşmegiň öňüni almak, suw tygşytlamak we abadanlaşdyryş tehnologiýalaryna bagyşlanyp geçiriljek Expo 2023 Doha ýaly sergilere gatnaşmaga taýýarlyk görýär.
Türkmenistanyň Belgiýadaky ilçisi Sapar Pälwanow Belgiýanyň Milli baýramçylygy – Patyşanyň kasam gününe bagyşlanan reňkli dabaralara gatnaşdy.
Anna güni, Türkmenistanyň Prezidenti Serdar Berdimuhamedow öz ýurdunyň wekiliýetine ýolbaşçylyk edip, Aşgabat şährine resmi sapar bilen gelen Koreýa Respublikasynyň Milli Assambleýasynyň Başlygy Kim Çžin Pýony kabul etdi.
Türkmenistanda ýurduň öňünde bitiren aýratyn hyzmatlary üçin şahsy pensiýalary bellemegiň tertibi işlenip taýýarlanylýar. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow anna güni sanly ulgam arkaly geçirilen Ministrler Kabinetiniň nobatdaky mejlisinde beren hasabatynda aýtdy.
Daşoguz welaýatyndaky türkmen-özbek serhet zolagynda häzirki zaman söwda merkezi gurlar. Gurluşyk 2023-nji ýylyň iýul aýynda başlar we iki ýyldan, ýagny 2025-nji ýylda tamamlanar. Bu barada anna güni «Watan» habar ýaýlymynda habar aýdyldy.
