Malaýziýanyň motosikl ekspedisiýasy Türkmenistana geldi
Malaýziýa motosikl ekspedisiýasynyň sürüjileri London-Kuala-Lumpur ugry boýunça 21-nji iýulda 16 ýurdy öz içine alýan 19-njy nokady bolan Türkmenistana üstünlikli ýetdiler.
Topar eýýäm Beýik Britaniýa, Fransiýa, Şweýsariýa, Italiýa, Germaniýa, Çehiýa, Awstriýa, Wengriýa, Rumyniýa, Bolgariýa, Türkiýe ... ýaly ýurtlary aýlanyp geçdi.
Aşgabat şäherine olar Gorgandan Kuçana çölden geçende güýçli ýel synagyndan geçmeli bolan Eýrandan geldiler diýip, Malaýziýanyň iňlis dilinde çykýan gündelik New Straits Times gazetinde habar berýär.
Motosikl sürüjileri syýahatyny dowam etdirmezden ozal Malaýziýanyň Türkmenistandaky ilçihanasyna bardylar.
Missiýa gatnaşyjylaryň aýtmagyna görä olar ýolda ýerli durmuş we tebigatyň gözelligi bilen tanyşýarlar. Ekspedisiýanyň doly ady: Quantum Metal Ekspedisi Perpaduan Watikah Kemerdekaan 66 London-Kuala Lumpur 2023 (QMEPWK66).
20-nji iýunda QMEPWK66-nyň alty agzasy Londondan ýola çykdy we 31-nji awgustda 66-njy Merdeka güni - Garaşsyzlyk güni üçin Malaýziýa gelmezinden 66 gün öň garaşylýar.
22 000 km ekspedisiýa 1957-nji ýylda Londondan Kuala-Lumpur şäherine Malaý garaşsyzlyk jarnamasyny getiren Tunku Abdul Rahman Putra Al-Hajanyň taryhy syýahatyna bagyşlanýar.
ORIENT news
