Türkmenistanyň Ylymlar akademiýasynyň Himiýa institutynyň alymlary ýowşanyň sitwar görnüşinden gury ekstrakt almagy başardylar. Institutyň aspiranty, ylmy işgäri Berdi Berdiýew bejeriş üçin ýokary netijeli we ekologiýa taýdan bähbitli aýratynlyklaryny açyp görkezdi.
Gurbanguly Berdimuhamedow adyndaky Howandarlyga mätäç çagalara haýyr-sahawat gaznasy ýürek-damar we daýanç-hereket ulgamlarynda ejir çekýän çagalaryň 180-sine çylşyrymly hirurgiýa operasiýalaryny geçirmek boýunça işlerini maliýeleşdirdi.
Rus dilini okadýan türkmenistanly mugallymlar bäsleşigiň iň ökde 50-liginiň hataryna goşulmagy başardylar. Moskwa şäheriniň dolandyryş edaralary we “Российская газета” gazeti bu bäsleşigi eýýäm 23-nji gezek guraýarlar.
Mongoliýanyň Prezidenti Uhnaagiýn Hurelsuh ikitaraplaýyn hyzmatdaşlygyň mümükinçiliklerini ara alyp maslahatlaşmak üçin türkmen kärdeşi Serdar Berdimuhamedowy sapar bilen öz ýurduna gelmäge çagyrdy. Bu barada Mongoliýanyň Prezidentiniň Türkmenistanyň Garaşsyzlygynyň 32 ýyllyk baýramy mynasybetli iberen Gutlagynda beýan edilýär.
Aziýa Olimpiýa Geňeşi Hytaýyň Hançžou şäherinde geçirilýän XIX Aziýa oýunlarynyň iň gymmatly oýunçysyny saýlar. Munuň üçin 6 adamdan ybarat ýörite topar hem döredildi. Bu adamlaryň her biri Aziýanyň dürli sebitlerine wekilçilik edýär.
Ýurtlar we halkara gurmalar 31-nji dekabra çenli Aýda näme ugurlar boýunça barlaglary geçirmek baradaky tekliplerini hödürläp bilerler. Hytaýyň Milli kosmos edarasynyň mälim etmegine görä, Aýyň üstünde dürli barlaglary alyp barmaga ukyply robotlary we dürli innowasion taslamalary bilelikde ýerine ýetirmäge aýratyn orun berler.
Birleşen Arap Emirlikleriniň paýtagty Abu-Dabide geçýän “ADIPEC 2023” nebitgaz forumynyň çäklerinde, türkmen wekiliýeti Pakistanyň energetika, energiýa we nebit meseleleri boýunça federal ministriniň wezipesini ýerine ýetiriji Muhammad Ali bilen geleşikleri geçirdi.
Ýyladyşhanada 2 müň düýp töweregi banan ösdürilip, olaryň käbiriniň boýy 3 metre ýetýär. Agrotehniki kadalara berk eýerip, ideg edilende bu tropiki ekinden bol hasyl alyp bolýar. Banan üçin nahallar hem bu hojlyk jemgyýetinde ýetişdirilýär.
GDA agza ýurtlaryň sazandalary üçin Delfiýa oýunlary 6-10-njy oktýabr aralygynda Bişkekde geçiriler. Saz bäsleşigi on ýedinji gezek Gyrgyzystanyň paýtagtynda geçirilýär. Türkmenistanly ýaş sazandalar hem bu bäsleşige ilkinji gezek gatnaşýarlar.
Täjigistanyň paýtagtynda 3-nji oktýabrda “Kitap Duşanbe-2023” 11-nji Halkara kitap sergisi açyldy. Sergide Türkmenistanyň Ilçihanasy bilen Täjigistanda akkreditirlenen diplomatik korpusy birlikde Türkmenistan baradaky dürli edebiýatly diwarlygy gurady.
Türki dünýäsiniň iň oňat kinorežissýorlary iň ýokary baýrak - Türki kinonatografiýasynyň ösmegine we medeni gatnaşyklary berkitmäge goşan goşandy üçin TÜRKSOÝ-yň altyn ýyldyzy bilen sylaglandy. Baýrak gowşurylyş dabarasy şu ýyl 29-njy sentýabrdan 2-nji oktýabr aralygynda geçirilen XV Daşkent halkara «Ýüpek ýolunyň merjeni» halkara film festiwalynyň çäginde geçirildi.
17 – 19-njy oktýabrda Aşgabat we Mary şäherlerinde Tatarystanyň Medeniýet günleri geçiriler. Bu şäherlerde Respublikanyň artistleriniň gatnaşmagynda dürli medeni baýramçylyk çäreleri, konsertler guralar.
Agentligiň ýobaşçysy şeýle hem, “Cyber Security Central Eurasia 2023” atly kiberhowpsuzlyk boýunça birinji halkara maslahatyna gatnaşyjylary Aşgabatda 9-10-njy noýabrda geçiriljek “Türkmentel-2023” gatnaşmaga we bu ugurda özara pikir alyşmalary dowam etdirmäge çagyrdy.
Kiberhowpsuzlyk boýunça 1-nji halkara konferensiýa «Cyber Security Central Eurasia 2023» şu gün Daşkende açyldy. Ýokary derejeli konferensiýanyň ilkinji iş gününe onlarça ýurduň ygtyýarly wekilleri, şol sanda başlygynyň ýolbaşçylygynda «Türkmenaragatnaşyk» agentliginiň wekiliýeti gatnaşdy.
«Türki döwletleriniň guramasynyň düýbüni tutan Nahiçewan ylalaşygyna gol çekilmeginiň 14 ýyllygy bilen baglanyşykly, sizi Türki döwletleriniň Hyzmatdaşlyk güni bilen tüýs ýürekden gutlaýarys», - diýip çarşenbe güni, 3-nji oktýabrda çap edilen Türkiýäniň Daşary işler ministrliginiň metbugat beýanatynda aýdylýar.
