Edebiýat, medeniýet we sungat işgärleriniň arasynda Türkmenistanyň Prezidentiniň “Türkmeniň Altyn asyry” atly baýragyny almak ugryndaky nobatdaky bäsleşik yglan edildi. Döwlet Baştutany Serdar Berdimuhamedow bu baradaky Karara anna güni geçirilen Hökümet mejlisinde gol çekdi.
Türkmenistan Ylymlar akademiýasynyň hünärmenleri 20-21-nji oktýabr aralygynda Duşanbe şäherinde geçirilýän "Wolgadan Transoksiana arkaly Ganga çenli" atly II Halkara ylmy-amaly konferensiýasyna gatnaşýarlar. Bu barada Türkmenistanyň Täjigistandaky ilçihanasy habar berýär.
Geçirilen barlaglara görä, nanorobotlar suwuň düzümindäki plastik galyndylaryň 99 göterimini toplamagy başardylar. Bu görkeziji häzirki döwre çenli döredilen innowasion tehnologiýalardan 250 esse netijelidir.
Saz agşamynda fransuz we türkmen kompozitorlarynyň eserleri, häzirki zamanyň meşhur kompozitory Pýer Tiluanyň sazlary ýaňlanar. Bu meşhur kompozitor hem Aşgabatda geçiriljek saz agşamyna gatnaşar.
Aziýa Futbol konfederasiýasynyň başlygy Şeýh Salman bin Ibragim Al Halifa, guramanyň adatdan daşary gurultaýynda, AFK birleşiginiň ähli agzalarynyň adyndan Saud Arabystanynyň 2034-nji ýyldaky Dünýä çempionatyny geçirmek islegini goldamakçydygyny aýtdy. UzA agentligi bu barada habar berýär.
Ýaş türkmen türgenleri 13-20-nji oktýabr aralygynda Özbegistanyň Buhara şäherinde geçirilen “ATF14 & Under” halkara tennis turnirinde bäş medal - üç altyn, iki kümüş gazandy.
Bakuwda TÜRKSOÝ Muzeýler birleşiginiň 2-nji maslahaty geçirildi, şol ýerde türki dünýäsindäki hyzmatdaşlyk we muzeý işlerini ösdürmek meseleleri ara alnyp maslahatlaşyldy. Şeýle hem, maslahatda Türkmenistanyň Döwlet medeniýet merkeziniň Döwlet muzeýiniň müdiri Meretgeldi Çaryýewiň 2024-nji ýylda TÜRKSOÝ-yň Muzeýler birleşiginiň wagtlaýyn başlygy wezipesine bellenendigini yglan edildi. Bu barada Döwlet muzeýiniň web sahypasynda habar berilýär.
“The Rolling Stones” 18 ýyldan soň ilkinji **["Hackney Diamonds"](https://orient.tm/ru/post/58894/rolling-stones-voodushevili-fanatov-namekom-na-pervyj-za-pochti-20-let-albom-novyh-pesen)** atly täze albomy bilen gaýdyp geldi. “RockFM”-iň ýazmagyna görä, 2016-njy ýylda çykan öňki “Blue & Lonesome” blýuza örtüklerinden (asyl nusganyň ýönekeý tertibi) ybaratdy.
18-nji oktýabrda Russiýa Federasiýasynyň Döwlet Dumasynda daşary ýurtly talyplaryň Russiýa Federasiýasynyň býudjetiniň hasabyna “Medeniýet we sungat” ugurlarynda ýokary bilim almagy boýunça görülýän taýýarlyga bagyşlanan tegelek stol geçirildi. Bu barada "GDA agza ýurtlaryň Parlamentara Mejlisi"-niň telegram kanaly habar berýär.
Türkmenistanyň Ylymlar akademiýasynyň ylmy işgärleri türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň “Ömrümiň manysy” kitabyny Russiýanyň Sankt-Peterburg şäherindäki Mariýa köşgünde tanyşdyrdylar.
Stambulda, 20-nji oktýabrda Bütindünýä türk lukmançylyk kongresi açyldy we oňa 21 ýurduň saglyk wekilleri gatnaşdylar. Lukmançylyk kongresi dokuzynjy gezek Türkiýede geçirilýär we dünýäde uly gyzyklanma döredýär diýip, «Anadolu» agentligi habar berýär.
Türkmenistanyň Döwlet çeperçilik akademiýasynyň mugallymlary – sungaty öwreniji Maýa Jumanyýazowa we ýokary okuw mekdebiniň sungaty öwreniş kafedrasynyň müdiri türkmen sungatynyň taryhy we çeperçilik ähmiýeti barada Daşkentde geçen amaly-haşam sungatynyň 4-nji halkara bianellesiniň barşynda çykyş etdi.
Türkmenistanyň Döwlet gümrük gullugy bilen Hytaý Halk Respublikasynyň Baş gümrük edarasynyň arasynda Ygtyýarly ykdysady operatorlaryň maksatnamasynyň mümkinçiliklerini ýokarlandyrmak boýunça özara düşünişmek hakynda Ähtnama gol çekildi.
Google kompaniýasy, Hindistanda Pixel smartfonlaryny öndürip başlajakdygyny yglan etdi. Öndürijiniň blogy 2024-nji ýyldan başlap «hindi ýygnamasynyň» Pixel 8 modeli bilen başlajakdygyny habar berdi.
Anna güni, 20-nji oktýabrda «Merkezi Aziýa - Koreýa Respublikasy» hyzmatdaşlyk Forumyna gatnaşýan ýurtlaryň daşary işler ministrleriniň orunbasarlarynyň duşuşygy wideo görnüşinde geçirildi. Ýygnakda Türkmenistana wise-ministr Wepa Hajyýew wekilçilik etdi.
