“Ömrümiň manysy” kitaby Sankt-Peterburgyň Mariýa köşgünde tanyşdyryldy
Türkmenistanyň Ylymlar akademiýasynyň ylmy işgärleri türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň “Ömrümiň manysy” kitabyny Russiýanyň Sankt-Peterburg şäherindäki Mariýa köşgünde tanyşdyrdylar. Alymlar bu eseriň ähmiýeti we onuň many-mazmuny barada giňişleýin durup geçdiler diýip, Türkmenistanyň Russiýa Federasiýasyndaky ilçihanasy habar berýär.
Bu çäre Türkmenistanyň ilçihanasynyň ýardam bermeginde Dünýä türkmenleriniň ynsanperwer birleşiginiň Sankt-Peterburgdaky we Demirgazyk-Günbatar Russiýadaky bölümi, Sankt-Peterburgyň Daşary gatnaşyklar komiteti, Milletara gatnaşyklar we migrasiýa syýasatyny durmuşa geçirmek komiteti tarapyndan guraldy.
Milli öwüşgine baý türkmen suratkeşleriniň eserleri, kitaplardyr žurnallar, milli halylar we şaý-sepler bilen gurşalan sergide wideoşekiller akaly Türkmenistanda gazanylan üstünlikler we ýetilen sepgitler barada bu ýere gelenler tanyşdyryldy. Bellenişi ýaly, bu çäre iki ýurduň arasynda yzygiderli ösdürilýän köptaraply hyzmatdaşlygy has-da ösdürmekde nobatdaky waka bolar.
Türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň “Ömrümiň manysy” kitaby 2022-nji ýylyň aprel aýynda neşir edildi.
ORIENT news
