Türkmenistanda köp çagaly eneler sylaglanyldy
Türkmenistanyň Prezidenti Serdar Berdimuhamedow sekiz we şondan köp çagany ösdürip ýetişdiren enelere «Ene mähri» diýen hormatly ady dakmak hakynda Permana gol çekdi.
Habarlar
JICA wekilleri Türkmenistanyň ulag-üstaşyr geçelgelerini işjeňleşdirmek boýunça türkmen demirýolçulary bilen duşuşdylar
2024-nji ýylyň 7-nji martynda Ýaponiýanyň Halkara hyzmatdaşlyk agentliginiň (JICA) wekiliýetiniň Türkmenistana bolan iş saparynyň dowamynda “Türkmendemirýollary” agentliginiň edara binasynda milli ýük daşaýjy operatorlary, logistleri bilen ýurdumyzyň üstünden geçýän ulag-üstaşyr geçelgelerini işjeňleşdirmek boýunça türkmen demirýolçulary bilen geçelgeleriň geljegi boýunça hyzmatdaşlygy ara alyp maslahatlaşmak üçin duşuşdylar.
Tbiliside türkmen talyplary bilen duşuşyk
2024-nji ýylyň 7-nji martynda Türkmenistanyň Gruziýadaky ilçihanasynyň binasynda ilçi D.Seýitmämmedow Gruziýanyň ýokary okuw mekdeplerinde bilim türkmen talyplary we Türkmenistanyň raýatlary bilen duşuşyk geçirdi.
Türkmenistanyň we Özbegistanyň demir ýol edaralarynyň ýolbaşçylary gepleşikleri geçirdiler
"Uzbekiston temir ýullari" paýdarlar jemgyýetiniň müdiriýetiniň başlygy Zufar Narzullaýewiň ýolbaşçylygyndaky özbek wekiliýetiň 5-6-njy martda Türkmenistana amala aşyran iş saparynyň dowamynda "Türkmendemirýollary" agentliginiň başlygy Azat Atamyradow bilen hyzmatdaşlyk meseleleri maslahatlaşyldy.
Özbegistanda awtoulag serişdeleriniň ekologiki anyklaýyşy boýunça döwrebap merkez işe girizildi
Özbegistanyň paýtagty Daşkent şäherinde awtoulag serişdeleriniň ekologiki anyklaýyşy boýunça döwrebap merkez işe girizildi. Bu barada «Podrobno.uz» habarlar agentligi habar berýär.
Türkmenistanyň DIM-i Owganystany serhetaşa derýalaryň suw gorlaryna ylmy esasda çemeleşmäge çagyrdy
Türkmenistanyň Daşary işler ministrligi penşenbe güni 4-6-njy marty aralygynda Owganystanyň senagat we söwda ministriniň wezipesini ýerine ýetiriji Alhaj Nuriddin Aziziniň ýolbaşçylygyndaky wekiliýetiň Owganystanda öndürilen önümleriň sergisine, işewürlik forumyna we türkmen-owgan söwda-ykdysady gatnaşyklaryny giňeltmek üçin guralan beýleki çärelere gatnaşmak maksady bilen Türkmenistana amala aşyran sapary barada köpçülikleýin habar beriş serişdeleri üçin maglumaty köpçülige ýetirdi.
Russiýa yslam ýurtlaryna iberilýän halal önümleriň möçberlerini artdyrýar
2023-nji ýylda Russiýa halallyk hakynda hususy döwlet standartlaryny girizen dünýädäki ilkinji yslam däl ýurtlaryň birine öwrüldi. Noýabr aýynda Russiýanyň halallyk güwänamalary eýýäm Pars aýlagynyň ýurtlarynda ykrar edildi. Munuň özi Russiýa Federasiýasyndan BAE, Saud Arabystanyna, Bahreýne, Kuweýte, Omana, Katara we Ýemene, soňlugy bilen bolsa Ýakyn Gündogaryň, Aziýanyň we Afrikanyň beýleki ýurtlaryna önümleriň iberilmegini aňsatlaşdyrar.
«Magtymguly Pyragynyň parahatçylyk taglymaty» atly onlaýn test bäsleşigi geçirildi
2024-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň, «Parahatçylygyň ýaş çaparlary» akyl-paýhas bäsleşigine gatnaşyjylaryň hem-de ýurdumyzyň 10-11-nji synp okuwçylarynyň arasynda Magtymgulynyň hoşniýetli goňşuçylyk baradaky şygyrlaryna bagyşlanan «Magtymguly Pyragynyň parahatçylyk taglymaty» atly onlaýn test bäsleşigi geçirildi.
Rumyniýada Türkmenistanda öndürilýän önümleriň sergisi geçirilip bilner
Türkmenistanyň ilçisi Annamämmet Annaýew Rumyniýanyň Prahow oblastynyň Söwda-senagat palatasynyň prezidenti bilen duşuşdy. Söwda-ykdysady ulgamda hyzmatdaşlygy işjeňleşdirmek meseleleri geçirilen gepleşikleriň esasy mazmunyny düzdi.
Türkmenistan we Rumyniýa bilim ulgamynda hyzmatdaşlygy ösdürmegi maksat edinýär
Ilçi Annamämmet Annaýewiň Rumyniýanyň milli bilim ministriniň orunbasary Ionel-Florian Liksandra bilen bolan duşuşygynda bilim ulgamynda türkmen-rumyn hyzmatdaşlygyny çuňlaşdyrmak meseleleri maslahatlaşyldy.
Gyrgyzystan bilelikde medeni-ynsanperwer taslamalary durmuşa geçirmekde Türkmenistan bilen hyzmatdaşlyga taýýar
Ilçi Nury Gölliýew Gyrgyzystanyň medeniýet, maglumat, sport we ýaşlar syýasaty ministri Altynbek Maksutow bilen duşuşdy.
Türkmenistanyň kazylary wezipä bellendi
Döwlet howpsuzlyk geňeşiniň çarşenbe güni geçirilen nobatdaky mejlisinde Türkmenistanyň Prezidenti Serdar Berdimuhamedow kazylary wezipä bellemek we wezipeden boşatmak hakynda Permana gol çekdi.
Türkmenistan we Halkara energetika agentligi hyzmatdaşlygy çuňlaşdyrmagy maksat edinýär
Ilçi Maksat Çaryýew 24-25-nji aprelde Parižde geçiriljek Türkmenistanyň energetika pudagyna daşary ýurt maýa goýumlaryny çekmek boýunça halkara foruma degişli düzümleriň gatnaşmagy bilen bagly meseleleri maslahatlaşmak üçin Halkara energetika agentliginiň ýerine ýetiriji direktory Fatih Birol bilen duşuşdy.
Türkmen diplomaty Yslam Hyzmatdaşlyk Guramasyna agza ýurtlaryň ilçileriniň duşuşygyna gatnaşdy
Türkmenistanyň Russiýadaky Adatdan daşary we Doly ygtyýarly ilçisi Esen Aýdogdyýew Yslam Hyzmatdaşlyk Guramasyna agza ýurtlaryň ilçileriniň RF-iň Daşary işler ministrliginde geçirilen duşuşygyna gatnaşdy. Duşuşyga daşary ýurtlaryň Russiýadaky Adatdan daşary we Doly ygtyýarly ilçileri, Russiýa Federasiýasynyň Hökümetiniň, Tatarystan Respublikasynyň Hökümetiniň, Musulmanlaryň din işleri boýunça müdirliginiň, şeýle hem beýleki dini birleşikleriň wekilleri gatnaşdylar.
Türkmenistanyň Gruziýadaky ilçisi Iwane Jawahişwili adyndaky Tbilisi döwlet uniwersitetiniň rektory bilen duşuşdy
2024-nji ýylyň 6-njy martynda Türkmenistanyň Gruziýadaky Adatdan daşary we Doly ygtyýarly ilçisi Döwletmyrat Seýitmämmedow bilen Iwane Jawahişwili adyndaky Tbilisi döwlet uniwersitetiniň rektory Jaba Samuşiýanyň arasynda duşuşyk geçirildi.
