Türkmenistanda köp çagaly eneler sylaglanyldy
Türkmenistanyň Prezidenti Serdar Berdimuhamedow sekiz we şondan köp çagany ösdürip ýetişdiren enelere «Ene mähri» diýen hormatly ady dakmak hakynda Permana gol çekdi.
Halkara zenanlar güni mynasybetli bu dabarany her ýyl guramak asylly däbe öwrüldi.
Döwlet Baştutanyň gol çeken resminamasynda bellenişi ýaly, türkmen jemgyýetiniň sagdyn ösüşini esaslandyrýan maşgala ojagynda ene mähremligine aýratyn hormat goýup, ony mukaddeslige deňemek ýaly ajaýyp ýörelgelerinden ugur alyp, ýurdumyzyň bagtyýar geljegini kepillendirýän mynasyp nesli ösdürip we terbiýeläp ýetişdirmekde belent başly enelerimiziň bitirýän ägirt uly hyzmatlaryny nazara almak bilen degişli Permana gel çekilýär.
Penşenbe güni Aşgabat şäherinde "Ene mähri" diýen hormatly at dakylan eneleri medallar we gymmat bahaly sowgatlar bilen sylaglamak, köp çagaly enelere täze hemme amatlyklary üpjün edilen jaýlaryň açarlaryny gowşurmak dabaralary geçirildi.
ORIENT news
