Watandaşymyz, Türkmenistanyň we Russiýanyň Gahrymany, “Roskosmos” korporasiýasynyň kosmonawtlar bölüminiň birikme serkerdesi Oleg Kononenko Anna Kikinany gül dessesi bilen garşy aldy. Ol Halkara kosmos stansiýasyndaky ekspedisiýadan soň Russiýa gaýdyp geldi. Şu gün irden ýörite uçar “Roskosmos” korporasiýasynyň bölüminiň ýeke-täk zenan kosmonawty bilen Domodedowo howa menzilinde gondy.
Türkmenistanyň Belgiýadaky, Gollandiýadaky we Lýuksemburgdaky ilçisi Sapar Pälwanow Lýuksemburgyň Söwda palatasynyň Halkara gatnaşyklary bölüminiň müdiri Sindi Tereba bilen duşuşdy. Diplomat, Ahal welaýatynyň dolandyryş merkezi bolan täze Türkmen şäheriniň – Arkadag şäheriniň tanyşdyrylyş dabarasyny geçirdi. Pälwanow bu şäheriň ýurdymyzda ilkinji bolup «akylly», ekologiýa taýdan arassa şäher statusyna eýe boljakdygyny belläp, Lýuksemburg kompaniýalaryny sanlylaşdyrma, IT pudagynda ýokary tehnologiýaly çözgütleri ulanyp bilelikdäki maýa goýum taslamalaryna gatnaşmaga, şeýle hem «smart sity» ulgamlaryny dolandyrmak pudagynda özara gatnaşyklaryň mümkinçiligini öwrenmäge çagyrdy.
Ikinji klassiki Volga music fest saz festiwaly 15-nji martdan 1-nji aprel aralygynda Dubna şäherinde (Moskwa sebiti) geçirilýär. Pianinoçylar Wladimir we Ýelena Suşkowlar tarapyndan gurnalan festiwalyň maksatnamasynda meşhur sazandalaryň mugt ussatlyk sapaklary, görnükli medeniýet işgärleri bilen döredijilik duşuşyklary we elbetde klassiki saz konsertleri bar.
Mergen Orazowyň ýolbaşçylygyndaky tälimçiler topary, 25-30-njy mart aralygynda BAE-de geçiriljek ýygymyna futbolçylaryň düzümini yglan etdi. Şeýle-de bolsa, ondan ozal täze tälimçi üçin milli ýygyndynyň Malaýziýaly oýunçylar bilen 23-nji martda Johorda geçiriljek ilkinji duşuşygyny garaşýar.
HHR we Merkezi Aziýa ýurtlary “Merkezi Aziýa — Hytaý” formatynyň çäklerinde geçiriljek birinji sammitde ägirt uly hyzmatdaşlyk meýilnamalaryny ara alyp maslahatlaşarlar. Bu barada Hytaý Halk Respublikasynyň Başlygy Si Szinpiniň Nowruz baýramy mynasybetli Türkmenistanyň Prezidenti Serdar Berdimuhamedowa iberen gutlag hatynda aýdylýar.
– “Gyrgyzystan altynyň baý ätiýaçlyk goruny toplady” – diýip, Prezident Sadyr Japarow sişenbe güni Nowruz baýramçylygy mynasybetli eden çykyşynda aýtdy.
Türkmenistanyň Belgiýadaky Adatdan daşary we Doly ygtyýarly ilçisi Sapar Pälwanow Lýuksemburgyň Beýik Gersogyna ynanç hatyny gowşurmak üçin Lýuksemburga iş saparyny amala aşyrýar.
Anna güni Buharestde Türkmenistanyň, Eýranyň we Hindistanyň medeni mirasy we ykdysady üstünlikleri barada gürrüň berýän reňkli ekspozisiýa açyldy. Nowruz baýramyna – baharyň gije-gündiziň deşleşýän gününe bagyşlanan, her ýyl geçirilýän «Täze gün, Täze ýaşaýyş» atly sergi-ýarmarkasy, bu ýurtlaryň Rumyniýadaky ilçihanalary tarapyndan ARCUB medeni merkeziniň kömegi bilen gurnaldy, – diýip Buharestdäki türkmen diplomatik wekilhanasynyň metbugatynda aýdylýar.
Türkmenistanyň Oguz han adyndaky inžener-tehnologiýalar uniwersiteti Merkezi Aziýada ilkinji bolup, terjimede Oýlap tapyş - Döretmek - Durmuşa geçirmek - Dolandyrmak diýmegi aňladýan CDIO - Conceive - Design - Implement - Opera halkara birleşiginiň agzalygyna kabul edildi.
Gündogaryň meşhur folklor gahrymany Hoja Nasreddiniň hormatyna atlandyrylan täze animasion filmiň taslamasy Türkiýäniň, Özbegistanyň we Gazagystanyň studiýalary tarapyndan goldanyldy. Film rus kino režissýory Timur Bekmambetow tarapyndan surata düşüriler - diýip, TASS habar berýär.
Duşenbe güni Türkmenistanyň Prezidenti Serdar Berdimuhamedow Doha saparynyň çäklerinde Bilim, ylym we jemgyýetçilik ösüşi boýunça Katar gaznasynyň baş edarasyna bardy. Hormatly myhman we türkmen wekiliýetiniň beýleki agzalary Katar gaznasynyň taryhy , esasy wezipeleri we ýeten sepgitleri bilen tanyşdyryldy.
Şu gün Doha şäherinde Türkmenistanyň Katardaky ilçihanasy açyldy.
Prezident Serdar Berdimuhamedow soňky ýyllarda depginli ösüşe eýe bolan Türkmenistan bilen Katar Döwletiniň arasyndaky pugta gatnaşyklara ýokary baha berdi. "Häzirki döwürde türkmen-katar gatnaşyklaryny ýurtlarymyzyň eýe bolan düýpli ykdysady mümkinçiliklerine laýyk gelýän derejä çykarmak üçin ähli zerur şertler bar" - diýip, Türkmenistanyň Döwlet Baştutany “Sheraton Grand Doha Resort and Convention” myhmanhanasynda Kataryň öňdebaryjy kompaniýalarynyň we maýa goýum edaralarynyň ýolbaşçylary bilen geçirilen duşuşykda eden çykyşynda aýtdy.
Türkmenistanyň Prezidenti Serdar Berdimuhamedow we Kataryň emiri Şeýh Tamim bin Hamad Al Tani Doha şäherinde resmi gepleşikler geçirdi. Olar iki ýurduň arasyndaky ikitaraplaýyn gatnaşyklary we ähli ugurlarda, esasanam bilim, ykdysadyýet, maýa goýum, söwda, energetika, sport we jemgyýetçilik meselelerinde ösüş ýollaryny ara alyp maslahatlaşdylar we iň möhüm sebit we halkara meseleler boýunça pikir alyşdylar.
24-26-njy aprelde Daşkende "Innoprom. Merkezi Aziýa" Halkara senagat sergisi geçiriler. Çäräniň guramaçylyk komitetiniň habaryna görä, “Uzeksposenter” Milli sergi toplumynda ekspozisiýanyň guraljak meýdanynyň 80% golaýy eýýäm bronlandy.
