Türkmenistanyň Prezidenti we Kataryň emiri giňeldilen we dar formatda gepleşikler geçirdi
Türkmenistanyň Prezidenti Serdar Berdimuhamedow we Kataryň emiri Şeýh Tamim bin Hamad Al Tani Doha şäherinde resmi gepleşikler geçirdi. Olar iki ýurduň arasyndaky ikitaraplaýyn gatnaşyklary we ähli ugurlarda, esasanam bilim, ykdysadyýet, maýa goýum, söwda, energetika, sport we jemgyýetçilik meselelerinde ösüş ýollaryny ara alyp maslahatlaşdylar we iň möhüm sebit we halkara meseleler boýunça pikir alyşdylar.
Gepleşiklere Katar tarapyndan: Içeri işler ministri Şeýh Halif bin Hamad bin Halifa Al Tani, Amiri Diwanyň (Emiriň dolandyryş edarasy) başlygy Şeýh Saud bin Abdulrahman Al Tani, Ulag ministri Jassim bin Saif Al-Suleýti, Sport we ýaşlar ministri Salah bin Ganem Al-Ali, şäher häkimi Abdullah bin Abdulaziz Al-Subaýe, Energetika işleri ministri Saad bin Şerida Al-Kaabi, Söwda we senagat ministri Şeýh Mohammed bin Hamad bin Kasym Al Tani, bilim ministri Butaýna bint Bint Ali Al-Jabr Al-Nuaými we Zähmet ministri Ali bin Said bin Smaýh Al-Marri gatnaşdy.
Türkmen tarapdan premýer-ministriň orunbasary we Daşary işler ministri Raşid Meredow, Söwda we hususy pudak boýunça wise-premýer Batyr Atdaýew, ýangyç we energetika toplumy boýunça premýer-ministriň orunbasary Aşirguly Begliýew, maliýe we ykdysady blog boýunça premýer-ministriň orunbasary Hojamyrat Geldimyradow , Baş prokuror Serdar Mälikgulýew, Bilim ministri Gurbangül Ataýewa, Maliýe we ykdysadyýet ministri Serdar Joraýew, Ilatyň zähmet we durmuş taýdan gorag ministri Muhammetseýit Silapow we resmi wekiliýetiň birnäçe agzasy gatnaşdylar.
Giňeldilen gepleşiklerden we bilelikdäki resminamalara gol çekmekden başga-da, Türkmenistanyň Prezidenti we Kataryň emiri ikitaraplaýyn duşuşyk geçirdi. Onda özara gyzyklanma döredýän birnäçe meseläni ara alyp maslahatlaşdylar.
ORIENT news
