Nowruz Buharestde «Täze gün, Täze ýaşaýyş» sergisi bilen bellendi
Anna güni Buharestde Türkmenistanyň, Eýranyň we Hindistanyň medeni mirasy we ykdysady üstünlikleri barada gürrüň berýän reňkli ekspozisiýa açyldy. Nowruz baýramyna – baharyň gije-gündiziň deşleşýän gününe bagyşlanan, her ýyl geçirilýän «Täze gün, Täze ýaşaýyş» atly sergi-ýarmarkasy, bu ýurtlaryň Rumyniýadaky ilçihanalary tarapyndan ARCUB medeni merkeziniň kömegi bilen gurnaldy, – diýip Buharestdäki türkmen diplomatik wekilhanasynyň metbugatynda aýdylýar.
Her ýurt milli stend gurady. Türkmen meýdançasy ajaýyp halylar we haly önümleri, reňkli suratlar we kartinalar bilen bezeldi. Myhmanlar elde işlenen nagyşlar bilen bezelen ajaýyp owadan etnik eşikleri, meşhur zergärleriň kümüş şaý-seplerini, bagşylaryň halk sazlaryny we aýdymlaryny ýerine ýetirýän saz gurallaryny görüp bildiler.
Rumyniýanyň sergisine gelenler, Halk Maslahatynyň Başlygy Gurbanguly Berdimuhamedowyň ylmy eserleri we Türkmenistan hakda gürrüň berýän beýleki neşir materiallary bilen hem tanyşdylar. Baýramyň myhmanlary ýurdumyzyň baý medeni we taryhy mirasyna we döwletiň ykdysady üstünliklerine bagyşlanan wideolary görüp has doly maglumat alyp bildirler.
Sergide Nowruzyň Türkmenistanda folklor çykyşlary, küştdepdi milli tansy we beýleki aýdym-saz we medeni dabaralar bilen nädip bellenilýändigi barada wideo yzygiderliliginiň görkezilişi guraldy.
Sergä Rumyn häkimiýetleriniň wekilleri, diplomatik korpusyň ýolbaşçylary, jemgyýetçilik işgärleri, köpçülikleýin habar beriş serişdeleri, şeýle hem Rumyniýanyň paýtagtynyň ýaşaýjylary we Buharestdäki uniwersitetlerde okaýan türkmen talyplary geldiler.
ORIENT news
