ÝHHG-nyň Aşgabatdaky Merkeziniň täze binasy ikitaraplaýyn hyzmatdaşlyga edilýän maýa goýumlaryny we umumy gymmatlyklaryň we maksatlaryň öňe ilerledilmegini aňladýar – diýip, Daşary işler ministriniň wezipesini wagtlaýyn ýerine ýetiriji Wepa Hajyýew türkmen paýtagtynda guramanyň edarasynyň açylyş dabarasyndaky çykyşynda beýan etdi.
Häzirki zaman hünär başarnyklaryny ösdürmek boýunça USAID-iň taslamasy (YDA) gyzyklanýan iş berijilerden TechYouth Bootcamp maksatnamasynyň iş orunlarynyň ýarmarkasyna gatnaşmak üçin ýüz tutmalaryň kabul edilip başlanandygyny yglan edýär.
Aşgabatdaky ÝHHG-nyň Merkezi paýtagtymyzyň «Köpetdag» otelinde täze edarasyny açdy. Dabara 1-nji iýunda Türkmenistanyň Daşary işler ministriniň wezipesini wagtlaýyn ýerine ýetiriji Wepa Hajyýewiň, Ýewropada howpsuzlyk we hyzmatdaşlyk boýunça guramanyň baş sekretary Helga Şmidtiň we ÝHHG-nyň Türkmenistandaky Merkeziniň baştutany Jon MakGregoryň gatnaşmagynda geçirildi.
Türkmenistanyň hökümeti adam hukuklaryny we azatlyklaryny üpjün etmegiň we goramagyň milli ulgamyny pugtalandyrmak üçin «Adalatçynyň diwany (Ombudsmeniň apparaty) + jemgyýetçilik guramalary» formatynda Milli öňüni alyş mehanizmine badalga berer.
Türkmenistanyň Mejlisiniň VII çagyrylyşynyň ikinji maslahaty 3-nji iýunda Türkmenistanyň Mejlisiniň binasynda sagat 11:00-da geçiriler – diýip, ýurduň resmi metbugaty habar berýär.
Sekiz ýylyň dowamynda ilkinji gezek Ysraýylyň Energetika ministrligi Ortaýer deňzinde «Katlan» atly täze tebigy gaz ýatagynyň açylandygyny mälim etdi.
Türkmenistanyň futbol boýunça ýygyndysynyň Mergen Orazowyň baştutanlygyndaky tälimçiler ştaby toparyň Merkezi Aziýanyň futbol birleşmesiniň birinji çempionatyna gatnaşjak gutarnykly düzümini atlandyrdy. 25 oýunçydan ybarat bolan ýüz tutma Türkmenistanyň Futbol federasiýasynyň resmi saýtynda çap edildi.
Döwlet býujetiniň görkezijilerini Durnukly ösüşiň maksatlary (DÖM) bilen baglanyşdyryp emele getirmegiň meseleleri Türkmenistanyň Maliýe we ykdysadyýet ministrliginiň we Merkezi Aziýa ýurtlarynyň milli maliýe edaralarynyň wekilleriniň gatnaşmagynda geçen webinarda ara alnyp maslahatlaşyldy.
Türk aşhanasynyň tamamlanan hepdeligi türk gastronomiýasynyň ýene-de bir milletara baýramy boldy. Bu ýyl ol ikinji gezek geçirildi we Hataý sebitine bagyşlandy, şol atdaky welaýat ÝUNESKO-nyň döredijilik şäherleriniň tory tarapyndan «Gastronomiýa şäheri» diýlip yglan edilipdi.
Grek-rim we erkin göreş boýunça türkmen türgenleri 25-nji maýdan 31-nji maýa çenli Buharestde (Rumyniýa) geçen Dumitru Pirvulescu & Vasile Iorga-2023 halkara ýetginjekler ýaryşynda dört medal gazandylar. Bu barada ORIENT-iň habarçysyna ýurdumyzyň Sport göreşleri federasiýasynda habar berdiler.
BMG-niň Çagalar Gaznasynyň (ÝUNISEF) Türkmenistandaky wekili Mohammad Faýýazi häzirki wagtda ýurtda 17 müňden gowrak çaganyň irki ösüş maksatnamasyna goşulandygyny beýan etdi, bu maýyplygyň öňüni almak we onuň derejesini peseltmek üçin ösüşdäki yza galmalary öz wagtynda ýüze çykarmaga mümkinçilik berýär.
Futbol boýunça Türkmenistanyň ýygyndysy 3-nji iýundan 9-njy iýun aralygynda Moskwada okuw-türgenleşik ýygnanyşyklaryny geçirer. Milli toparyň oýunçylary Merkezi Aziýanyň Futbol birleşmesiniň Aşgabatda geçjek birinji çempionatyna eýýäm taýýarlyk görüp başladylar.
Türkmenistanyň Döwlet gümrük gullugynyň wekiliýeti Gümrük gulluklarynyň başlyklarynyň sekizinji ýyllyk sebitara duşuşygyna we Konteýner gatnawlaryna gözegçilik etmek boýunça Ählumumy maksatnamasynyň çäklerinde geçirilen korrupsiýa garşy göreşmek boýunça sebitara okuw çäresine gatnaşdy. Bu barada Türkmenistanyň Döwlet gümrük gullugynyň saýtynda habar berilýär.
Çarşenbe güni, 31-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $7,3 mln amerikan dollaryna we 98,7 müň türkmen manadyna deň bolan 23 geleşik baglaşyldy – diýip, ORIENT-iň habarçysy habar berýär.
Türkmenistanyň Halk Maslahatynyň Başlygy Gurbanguly Berdimuhamedow Eýranyň ruhy lideri Aýatolla Hamenei bilen duşuşyk geçirdi, onuň barşynda taraplar ikitaraplaýyn hyzmatdaşlygy ýygjamlaşdyrmak üçin uly mümkinçilikleriň bardygyny nygtadylar.
