Türkmenistanyň Söwda-senagat edarasynyň wekiliýeti we oňa gatnaşyjy agzalary 18-24-nji ýanwar aralygynda Eýran adasynda geçirilýän “Kiş Expo 2025” halkara sergisine gatnaşdy
Türkmenistanyň Daşary işler ministriniň orunbasary Mähri Bäşimowa 23-nji ýanwarda ÝUNISEF-niň ýurtdaky wekilhanasynyň ýolbaşçysy Jalpa Ratnanyň bilen duşuşyk geçirildi. Taraplar çagalaryň hukuklaryny üpjün etmek we öňe sürmek ugrundaky hyzmatdaşlygy giňeltmek meselesini ara alyp maslahatlaşdylar
Wise-kansler Endrýu Linnonyň ýolbaşçylygyndaky Westminster uniwersitetiniň wekiliýeti Türkmenistana geldi. Britaniýanyň ýokary okuw jaýlarynyň wekilleri 19-25-nji ýanwar aralygynda dowam etýän saparyň çäginde Halkara ynsanperwer ylymlary we ösüş uniwersitetiniň, Magtymguly adyndaky Türkmen döwlet uniwersitetiniň, Seýitnazar Seýdi adyndaky Türkmen döwlet mugallymçylyk institutynyň mugallymlary we talyplary üçin hünär kämilleşdiriş okuw sapaklaryny geçidiler
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Monako Knyazlygyna iş saparyny amala aşyryp, Şazada Alber II bilen geçiren gepleşikleri ikitaraplaýyn gatnaşyklaryň hil taýdan täze derejä çykaryljakdygynyň subutnamasy boldy
ABŞ-nyň Halkara ösüş agentligi (USAID) we Türkmenistanyň Hökümeti ýurtda ýerli öz-özüňi dolandyryşy kämilleşdirmek maksady bilen Tegelek Stol duşuşygyny geçirdiler
Donald Tramp prezident hökmünde Saud Arabystanyñ mirasdüşer şazadasy bilen ilkinji telefon arkaly gepleşigini geçirdi. Bu ýurt amerikaly prezident tarapyndan sapar üçin hem ilkinji ýurt hökmünde saýlanmagy mümkin.
EDI (maglumatlaryň elektron alyş-çalşygy) – kompaniýalara sanly görnüşde resminamalary we maglumatlary alyşmaga mümkinçilik berýän tehnologiýa bolup, ol sargyt, üpjün etmek we hasaba almak işlerini ep-esli derejede aňsatlaşdyrýar. Sanlylaşdyrma geçmegiň çalt ösýän şertlerinde şeýle ulgamlaryň ornaşdyrylmagy işewürligi netijeli alyp barmak üçin örän möhüm bolup durýar.
Brýusseldäki Sablon medeni merkezinde ýerleşýän abraýly MUSE galereýasy 22-nji ýanwarda “Civilisations: Winter Edition” atly serginiň çäginde türkmen sergisiniň dabaraly açylyşyny geçirdi. Ýelena Haritonowa tarapyndan döredilen “European Central Asian Creative Allianc” we “Keşde” döredijilik studiýasynyň ýolbaşçysy Şeker Akynyýazowanyň goldawy bilen gurnalan bu çäre Brýusseliň medeni durmuşynda möhüm waka boldy
Ýakynda Nýu-Ýorkdaky medeni çäreleriň mahabatlaryny ýerleşdirýän birnäçe saýtda "Magtymguly Pyragy" atly filmi görkeziljekdigi barada maglumat peýda boldy. Bu görkeziliş, Manhettende ýerleşýän 36 gatly Türkewi Türk Öýüniň binasynda geçiriler. Bildirişler ähli sungat we kino muşdaklaryny, 21-nji ýanwarda geçiriljek medeni agşama çagyrdy. Bu agşamda, "Gorkut Ata" Halkara kino festiwalynyň baş baýragyna mynasyp bolan hem-de Özbegistan bilen Türkmenistanyň kinematografistleriniň bilelikdäki işi bolan "Magtymguly Pyragy" filmi görkezildi
22-nji ýanwarda GDA-nyň Ýerine ýetiriji komitetiniň Moskwadaky bölüminde geçirilen GDA-nyň Ykdysady geňeşiniň garamagyndaky Ykdysady meseleler boýunça toparyň mejlisinde Türkmenistanyň Russiýa Federasiýasyndaky ilçisi, Türkmenistanyň Ykdysady meseleler boýunça toparyndaky doly ygtyýarly wekili Esen Aýdogdyýew “Türkmenistanyň 2025-nji ýyl Halkara parahatçylyk we ynanyşmak ýylynyň dowamyndaky işleriniň we onuň ileri tutýan ugurlarynyň Konsepsiýasy barada” maglumatlar bilen çykyş etdi
Ýakynlaşyp gelýän Hytaýyň Täze ýyly – Çunsze, ýagny Bahar baýramynyň öň ýanynda, Gazagystan, Türkmenistan, Özbegistan, Pakistan we beýleki ýurtlardan we sebitlerden bolan, Demirgazyk-Günbatar oba hojalyk we tokaý hojalygy uniwersitetinde okaýan 100-den gowrak talyp, Hytaýyň medeniýetine aralaşdylar. Bu çäre Hytaýyň demirgazyk-günbatarynda, Şensi welaýatynyň dolandyryş merkezi bolan Siýan şäherinde geçirildi
Şweýsariýanyň kurort şäherçesi bolan Dawosda 20-24-nji ýanwar aralygynda dünýäniň iň uly we ähmiýetli ýyllyk wakalarynyň biri bolan Bütindünýä ykdysady forumy (BYF) geçirilýär
Türkmenistanyň Magtymguly adyndaky Ýaşlar guramasynyň Merkezi geňeşiniň, Bilim ministrligi hem-de Türkmenistanyň Zenanlar birleşiginiň Merkezi geňeşi ýokary okuw mekdepleriniň talyp gyzlarynyň arasynda geçirilýän «Talyp gözeli – 2025» atly her ýyl geçirilýän gözellik we zehin bäsleşigini yglan edýär. Bu bäsleşigiň jemleri her ýyl bolşy ýaly Halkara zenanlar gününiň öň ýanynda jemlenýär
2025-nji ýylyň 22-nji ýanwarynda Minskde Täjigistanyň ýolbaşçylygynda Garaşsyz Döwletleriň Arkalaşygyna (GDA) gatnaşyjy-döwletleriň Hemişelik doly ygtyýarly wekilleriniň Geňeşiniň şu ýylky birinji mejlisi geçirildi. Mejlise GDA-nyň Baş sekretary Sergeý Lebedew hem-de Täjigistanyň Daşary işler ministrliginiň GDA ýurtlary boýunça müdirliginiň başlygy Ahmad Saidmurodzoda gatnaşdy. A.Saidmurodzoda 2025-nji ýyl üçin Täjigistanyň GDA-da başlyklyk etmekliginiň Konsepsiýasyny hem-de ony durmuşa geçirmegiň Iş meýilnamasyny hödürledi. GDA-nyň strategiki resminamalarynda kesgitlenen esasy wezipelere we maksatlara ýetmekde ýardam bermek, şeýle hem Guramanyň işini kämilleşdirmek boýunça meseleleri ara alyp malahatlaşmak başlyklyk etmekligiň esasy maksady boldy.
2025-nji ýylyñ 22-nji ýanwarynda Türkmenistanyñ Prezidenti Serdar Berdimuhamedowyñ geçiren Türkmenistanyň Döwlet howpsuzlyk geňeşiniň giňişleýin mejlisi harby we hukuk goraýjy edaralar tarapyndan 2024-nji ýylda alnyp barlan işleriň jemlerini jemlemekde möhüm waka boldy.
