BOMCA Merkezi Aziýa ýurtlarynyň gümrük gulluklarynyň wekilleri üçin Latwiýa okuw saparyny gurady
4-6-njy mart aralygynda Ýewropa Bileleşigi tarapyndan maliýeleşdirilýän Merkezi Aziýada serhetleri dolandyrmak boýunça Maksatnamasy (BOMCA 10) Merkezi Aziýa ýurtlarynyň gümrük gulluklarynyň wekilleri üçin Latwiýa okuw saparyny gurady.
Latwiýada milli gümrük maglumat gulluklarynyň ornaşdyrylmagy, ÝB-niň gümrük pudagynda sanlylaşdyrma prosesi bilen tanyşmak saparyň maksady boldy. Gatnaşyjylar latwiýaly gümrük maglumat ulgamlarynyň işleýşini, üstaşyr düzgünleriň merkezleşdirilen gözegçilik we howplaryň awtomatlaşdyrylan derňew işini gördüler. Şeýle-de olar gümrük barlaghananyň işi bilen tanşyp, Riganyň erkin portyna, Riganyň howa menziline baryp, ol ýerde umumy üstaşyr we aňsatlaşdyrylan deklarirleme düzgünleriň ulanylmagyny öwrendiler. Latwiýanyň “Latwiýanyň poçtasy” poçta aragatnaşyk milli operatorynyň hünärmenleri poçta ýollamalaryny görnüşlere bölmek we olary işlemek, gümrük edaralary bilen maglumatlary alyşmak we deklarasiýalaryň awtomatiki usulda bermek prosesini görkezdiler.
Bu sapar Merkezi Aziýada gümrük dolandyryşyň bitewüleşmegini goldamakda we gowulandyrmakda möhüm ädim bolup, serhetleriň üstünden söwda akymlarynyň kanunalaýyk amala aşyrylmagyna ýardam berdi.
ORIENT news
