Türkmenistanyň Halkara ynsanperwer ylymlary we ösüş uniwersiteti bilen Awstriýanyň Krems amaly ylymlar uniwersiteti özara düşünişmek hakyndaky Ähtnama bilen hyzmatdaşlygy giňeltmek meýillerini berkitdiler.
Oba ýaşaýjylarynyň ýaşaýyş derejesini ýokarlandyrmaga gönükdirilen Oba milli maksatnamasynyň çäginde 2022-nji ýylyň başyndan bäri Türkmenistanyň çetki obalarynda 416 müň inedördül metre golaý ýaşaýyş jaýlary guruldy.
Gazagystanda geçirilen Merkezi Aziýa ýurtlarynyň žurnalistleriniň “MediaCAMP AWARD” halkara bäsleşigi duşenbe güni ýeňijileri yglan etdi. Olaryň biri we Türkmenistandan ýeke-täk ýeňiji – ORIENT-iň awtory Aýna Şirowa. Türkmen sungatynda meşhur adamlar - sazandalar, suratkeşler we ýazyjylar hakda adaty bolmadyk ýagdaýda we gyzykly gürrüň bermegi başarýan Aýnanyň materiallary bilen ORIENT-iň okyjylary tanyş.
Türkmenistanyň saglygy goraýyş we lukmançylyk pudagynyň işgärleriniň güni Aşgabatda halkara sergisini we iri ylmy maslahatyny geçirmek bilen bellenildi, onuň bölümleriniň mejlisleri türkmen paýtagtynyň ýigrimiden gowrak lukmançylyk edaralarynda geçirildi.
«МИР 24» portalynyň habar bermegine görä, Türkmenistan bilen Ermenistanyň arasynda diplomatik gatnaşyklaryň ýola goýulmagynyň 30 ýyllygyna bagyşlanan uly konsert geçirildi.
«Dizaýn-2022» forumynyň çäklerinde geçirilen «Serhetsiz dizaýn» halkara sergisi Türkmenistanyň Söwda-senagat edarasynyň binasynda daşary ýurtly myhmanlar we paýtagtyň ýaşaýjylary üçin özüniň sergi pawilionlaryny giňden açdy.
Paul Erlih institutynyň we Gessen uniwersitetiniň nemes alymlary allergiýany bejermegiň täze usulyny teklip etdiler. Allergiýa ylmy žurnalynyň habar bermegine görä, bejergi rFlaA: Betv1 birleşýän belogyň ulanylmagyna esaslanýar.
Türkmenistanyň hususy ulgamyny karzlaşdyrmagyň möçberi geçen ýylyň degişli döwri bilen deňeşdirilende, 2022-nji ýylyň 9 aýynda 34,3% ýokarlandy.
Hormatly Prezidentimiz Serdar Berdimuhamedow gol çeken permany bilen saglyk ulgamynyň tapawutlanan wekillerini Türkmenistanyň saglygy goraýyş we derman senagaty işgärleriniň güni mynasybetli döwlet sylaglary bilen sylaglady.
Germaniýaly alymlar we lukmanlar Türkmenistanyňsaglygy goraýyş ulgamynyň ýagdaýyna baha berdiler we «Нейтральный Туркменистан» gazetiniň habarçysy bilen söhbetdeşlikde hyzmatdaşlygyň geljegi barada gürrüň berdiler.
Ukraina Türkmenistany Merkezi Aziýadaky esasy hyzmatdaşy hasaplaýar, diýip Ukrainanyň Türkmenistandaky ilçisi Wiktor Maýko, iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli «Нейтральный Туркменистан» gazetine beren interwýusynda belledi.
Ermenistan Respublikasynyň Türkmenistandaky ilçisi Ruben Harazýan Ýerewan bilen Aşgabadyň arasynda göni uçar gatnawlarynyň täzeden dikeldilmeginiň möhümdigini belläp, iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli ýazan makalasynda döwletleriň ikitaraplaýyn hyzmatdaşlygynyň geljegini beýan etdi. Makala «Нейтральный Туркменистан» gazetiniň sahypalarynda çap edildi.
Owganystanyň Daşary işler ministrligi bu ýurduň Türkmenistana sapar bilen gelen wekiliýetiniň gurluşygy alnyp barylýan Türkmenistan-Owganystan-Pakistan-Hindistan (TAPI) gaz geçirijisi bilen baglanyşykly möhüm meseleler boýunça ylalaşyklaryň gazanandyklaryny habar berýär.
Türkmenistanyň Prezidenti Serdar Berdimuhamedow saglygy goraýyş we derman senagatynda işleýänleri hünär baýramçylygy bilen gutlady. Gutlagyň doly teksti «Нейтральный Туркменистан» gazetinde çap edilýär.
Iranpress.com habar gullugynyň habary bermegine görä, häzirki wagtda Eýran Türkmenistanyň çäginden elektrik geçirijisiniň üsti bilen milli elektrik toruny Russiýa birikdirmek boýunça taslama üstünde işleýär.
