GaffneyCline Türkmenistanyň nebitgaz pudagyndaky işini giňeltmegi niýet edýär
Britaniýanyň GaffneyCline konsalting kompaniýasy Türkmenistanyň nebitgaz pudagynda mundan beýläkki işlerini giňeltmek mümkinçiligine seredýär – diýip, Trend agentligi, kompaniýanyň taslamalar boýunça müdiri Drýu Pauelle salgylanyp, ýazýar.
Ol häzirki wagtda GaffneyCline kompaniýasynyň «Türkmengaz» we «Türkmennebit» döwlet konsernleri bilen hyzmatdaşlygy ösdürmek bilen baglanyşykly meseleleri ara alyp maslahatlaşýandygyny aýtdy.
«Türkmengaz» döwlet konserni bilen işlemek meýilnamalary henizem taýýarlyk tapgyrynda we häzirki wagtda bu iş mälim edilmäge degişli däldir. «Türkmennebit» döwlet konserni barada aýdylanda bolsa, kompaniýa tarapyndan mundan beýläk-de maslahat goldawyny berjekdigimizi habar berip bileris – diýip, Pauell belledi.
Şeýle hem ol «Türkmenistanyň nebiti we gazy-2022» (OGT-2022) (https://ogt-turkmenistan.com/ru) halkara maslahatynyň dowamynda bu kompaniýanyň köp sanly türkmen kompaniýalary bilen duşuşmagy we olar bilen hyzmatdaşlygy ýola goýmagy üçin gowy mümkinçilikleriniň bolandygyny aýtdy.
Ozal GaffneyCline kompaniýasy halkara derejesinde ägirtdigini tassyklan Galkynyş ýatagynyň ätiýaçlyklaryna baha bermekde Türkmenistan bilen üstünlikli hyzmatdaşlyk etdi.
ORIENT news
Surat: arhiwiň redaksiýasyndan
