Ahal welaýatynyň ýaşaýjylary täze döwrebap ýaşaýyş jaýlarynda toý toýlaýarlar
Halkara Bitaraplyk gününiň öňüsyrasynda Ahal welaýatynyň Ak bugdaý etrabynyň Magtymguly adyndaky daýhan birleşigi täze döwrebap ýaşaýyş jaýlary ulanyşa berildi. Bu barada şu gün resmi türkmen metbugaty habar berýär.
Her birinde döwrebap äheňde gurlan 48 sany hojalygy öz içine alýan, 4 gatdan ybarat bolan 6 sany bina «Joşgun Bina» hususy kärhanasy tarapyndan guruldy.
Jaýlaryň golaýynda ýaşaýjylaryň rahat ýaşamagy we dynç almagy üçin awtoulag duralgalary, dynç alyş we jemgyýetçilik çäreleri geçirilýän ýörite ýerler gurlup ulanylmaga berildi.
Bu döwrebap ýaşaýyş jaýlary iň täze tehnologiýalar we ýokary hilli gurluşyk serişdeleri bilen guruldy.
Ahal welaýaty täze binalar toplumy bilen yzygiderli üsti ýetirilýär. 2022-nji ýylyň sentýabr aýynda welaýatyň çäginde 4 gatly, 64 sany hojalyga niýetlenen 2 sany bina, şeýle hem 4 gatly, 48 sany hojalyga niýetlenen 2 sany ýaşaýyş jaý toplumlary ulanylmaga berildi.
ORIENT news
Surat: redaksiýanyň arhiwinden
