Türkmenistanyň Daşary işler ministriniň orunbasary Wepa Hajyýewiň ýolbaşçylygyndaky wekiliýet "Terrorçylyga garşy göreşmek we terrorçylaryň hereketiniň öňüni almak üçin serhet howpsuzlygy we serhet gözegçiligi babatynda halkara we sebit hyzmatdaşlygy" atly ýokary derejeli maslahata gatnaşmak üçin Duşenbe şäherine geldi.
Türkmenistanyň we Gazagystanyň içeri işler ministrleri Muhammet Hydyrow we Marat Ahmetjanow jenaýatyň öňüni almak, oňa garşy göreşmek we jemgyýetçilik howpsuzlygyny üpjün etmek hakynda Ähtnama gol çekdiler. Bu barada türkmen kärdeşlerine gazak polisiýasynyň täze seljeriş ulgamy barada gürrüň berdi. Bu barada Türkmenistanyň içeri işler ministrliginiň resmi saýty habar berýär.
TDH agentliginiň habar bermegine görä, Saglygy goraýyş, bilim we sport ulgamlary boýunça wise-premýer Nurmuhammet Amannepesow ýekşenbe güni Ministrler Kabinetiniň mejlisinde eden hasabatynda Türkmenistanda halkara ders olimpiadalarynyň geçiriljekdigini habar berdi.
Dohada geçirilen duşuşykda syýasy-diplomatik, söwda-ykdysady we medeni-ynsanperwer ulgamlarda türkmen-katar gatnaşyklarynyň giňeldilmegi araa alnyp maslahatlaşyldy. Türkmen wekiliýetine daşary işler ministriniň orunbasary Berdinyýaz Mätiýew ýolbaşçylyk etdi, ol Kataryň daşary işler boýunça döwlet ministri Sultan bin Saad Al-Muraiki bilen duşuşdy.
Russiýa Merkezi Aziýada birleşdirilen energetika ulgamyny döretmeklige iş ýüzünde kömek bermäge taýýardyr – diýip, RF-nyň prezidenti Wladimir Putin anna güni «Russiýa – Merkezi Aziýa» sammitinde beýan etdi.
TOLO news agentliginiň habar bermegine görä, Owganystan Yslam Emirliginiň Katardaky syýasy edarasynyň baştutany Suhail Şahin Owganystana degişli meseleleri çözmek boýunça halkara toparynyň döredilmegini goldady.
Pesuglerodly ösüşe geçiş şertlerinde geljegiň durnukly energiýa ulgamyny döretmek dünýä bazaryna gatnaşýanlaryň ählisiniň – döwlet, işewürler we akademiki toparlaryň hyzmatdaşlygyny we bilelikdäki hereketini talap edýär.
Türkmenistanyň Prezidenti Serdar Berdimuhamedow, Astanada GDA-nyň sammitinde çykyş etmek bilen, mundan beýläkki özara hyzmatdaşlyk gatnaşyklaryny ýola goýmak, söwdany we dürli pudaklaryň gatnaşyklaryny dikeltmek üçin meýdança boljak GDA ýurtlarynyň köpugurly ykdysady sergi-ýarmarkasyny geçirmegi teklip etdi. Bu barada TDH habar berýär.
«Neýtralnyý Turkmenistan» gazetiniň berýän habaryna görä, Türkmenistan Hytaýa eksport edýän gazynyň möçberini iki esse artdyrmagy we Türkmenistan-Hytaý gazgeçirijisiniň dördünji ugruny çekmek bilen ony ýylda 65 milliard kubometre ýetirmegi niýet edýär.
Özbegistanyň Prezidenti Şawkat Mirziýoýewiň Türkmenistana resmi sapary 20-21-nji oktýabr aralygynda bolar. Sapara görülýän taýýarlyk barada Türkmenistanyň Prezidenti Serdar Berdimuhamedowa wise-premýer, Daşary işler ministri Raşid Meredow hasabat berdi.
Astanadaky türkmen-gazak gepleşiklerinde ulag-üstaşyr pudagyndaky hyzmatdaşlyga aýratyn üns berildi. Gazagystan Respublikasynyň Prezidentiniň saýtynda berilýän habara görä, taraplar Gazagystan-Türkmenistan-Eýran demir ýolunyň doly güýjünde ulanylmagy üçin bilelikdäki çäreleri görmek barada ylalaşdylar.
Astanada Gazagystanyň we Türkmenistanyň resmi wekiliýetleriniň agzalarynyň gatnaşmagynda iki ýurduň liderleriniň arasyndaky gepleşikler tamamlandy. Taraplar ikitaraplaýyn gün tertibinde derwaýys meseleleriň birnäçesini jikme-jik ara alyp maslahatlaşdylar we mundan beýläkki hyzmatdaşlygyň esasy ugurlaryny kesgitlediler.
Türkmenistanyň Prezidenti Serdar Berdimuhamedow Akordada giňeldilen türkmen-gazak gepleşiklerinde çykyş etdi. Ol Gazagystanyň ýolbaşçysyna mähirli garşylanandygy we bilelikdäki iş üçin ajaýyp şertleriň döredilendigi üçin minnetdarlyk bildirdi.
Gazagystan türkmen gazyny import etmegiň möçberini ýylda bir ýarym milliard kub metre çenli artdyrmaga taýýar. Bu barada Kasym-Žomart Tokaýew şenbe güni Akordada geçirilen gepleşikler tamamlanandan soň, KHBS-niň wekilleri üçin brifingde aýtdy.
Akordada ýokary derejede giňişleýin türkmen-gazak gepleşikleri başlanyldy. GR-nyň Prezidenti Kasym-Žomart Tokaýew Türkmenistanyň Prezidenti Serdar Berdimuhamedowa mübärekleme sözi bilen ýüzlendi diýip, “Kazinform” HHA-nyň habarçysy habar berýär.
