Türkmenistanyň Kazandaky Baş konsuly Kazan federal uniwersitetiniň rektory bilen hyzmatdaşlygyň geljegini ara alyp maslahatlaşdy
Türkmenistanyň Kazandaky Baş konsuly Güýç Garaýew Kazan federal uniwersitetiniň rektory Lenar Safin bilen duşuşyk geçirdi, onuň barşynda taraplar ýokary hünärli işgärleri taýýarlamagyň meseleleri boýunça hyzmatdaşlygyň geljegini ara alyp maslahatlaşdylar.
Diplomatik wekilhananyň wekili alynýan bilimiň hiliniň ýokary bolmagynyň wajyplygyna, şeýle hem türkmen talyplarynyň okuw prosesine uýgunlaşmagyna ünsi çekdi. Şeýle hem, duşuşygyň barşynda, baş konsul Kazan federal uniwersitetinde okaýan türkmen talyplarynyň sowallaryna jogap berdi.
Türkmenistan Kazan federal uniwersitetinde okaýan daşary ýurtly talyplaryň umumy sany boýunça öňdeligi eýeleýär. Bu ýokary okuw mekdebinde 101 ýurtdan bolan 10 müň daşary ýurtly talyplaryň 3727 sanysy türkmen raýatlarydyr.
ORIENT news
Surat: kazan.tmconsulate.gov.tm
