Türkmenistanyň daşary işler ministri Berdinyýaz Mätiýewiň ýolbaşçylygyndaky wekiliýeti Abu-Dabide birnäçe gepleşikleri geçirdi. BAE bilen bilelikdäki ulag-logistika kompaniýasyny döretmek we täze maýa goýum taslamalaryny amala aşyrmak ara alnyp maslahatlaşylan meseleleriň hatarynda boldy.
Türkmenistanyň Prezidenti Serdar Berdimuhamedow Şanhaý hyzmatdaşlyk guramasynyň sammitiniň (ŞHG) çäklerinde Russiýanyň baştutany bilen duşuşar diýip, rus lideriniň halkara işleri boýunça kömekçisi Ýuriý Uşakowyň sözlerine salgylanyp, RIA Nowosti habar berýär.
Merkezi Aziýa ýurtlarynyň we Pars aýlagynyň Arap döwletleriniň hyzmatdaşlyk geňeşiniň agza ýurtlarynyň Daşary işler ministrleri söwda, maýa goýum, bilim, saglygy goraýyş, medeniýet we sport ugurlarynda hyzmatdaşlygy ýola goýmagy maksat edinýän 2023-2027-nji ýyllar üçin Bilelikdäki hereket meýilnamasyny kabul etdiler.
Türkmenistanyň Prezidenti Serdar Berdimuhamedow çarşenbe güni Hytaý hökümetiniň Ýewraziýa meseleleri boýunça ýörite wekili Li Hueýi kabul etdi.
Çarşenbe güni Türkmenistanyň Koreýa Respublikasynda täze bellenen ilçisi Begenç Durdyýew ýurduň daşary işler ministriniň protokol meseleleri boýunça orunbasary Rýu Jongýune ynanç hatynyň nusgalaryny gowşurdy.
Türkmenistanyň Prezidenti Serdar Berdimuhamedow duşenbe güni Türki döwletleriň guramasynyň baş sekretary Bagdat Amreýewi kabul etdi, söhbetdeşligiň dowamynda myhman özi tarapyndan ýolbaşçylyk edilýän guramanyň Türkmenistan bilen öndürijilikli gepleşikleri ösdürmäge bolan gyzyklanmasyny tassyklady.
Türkmenistanyň Bütindünýä söwda guramasyna girmegi ýerli işewürlige güýçli täsir eder. Oňa, bir tarapdan, bäsdeşligiň artmagyna duçar bolmak garaşýar, beýleki tarapdan bolsa – telekeçilere önümeri we hyzmatlary daşary ýurt bazarlaryna eksport etmek üçin täze mümkinçilikler açylar.
Russiýa Federasiýasynyň Prezidenti Wladimir Putin Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowa “Watanyň öňünde bitiren hyzmatlary üçin” ordenini bermek baradaky Permana gol çekdi – diýip, Interfax, hukuk maglumatlary resmi portalyna salgylanmak bilen, habar berýär.
Hepdäniň anna güni Aşgabatda Türkmenistanyň Daşary işler ministri Raşid Meredowyň we Özbegistanyň Daşary işler ministriniň wezipesini ýerine ýetiriji Wladimir Norowyň gatnaşmagynda DIMara syýasy geňeşmeler geçirildi.
Awazada Global tranzit resminamasynyň (GTrD) synag taslamasynyň açylyş dabarasy geçirildi, bu blokchein tehnologiýasyny ulanmagyň hasabyna ulagyň ähli görnüşlerinde hökmany gümrük gözden geçirilişi bolmazdan, konteýnerler bilen birnäçe serhetleriň üstünden daşamagy üpjün etmek üçin ajaýyp mümkinçilik döreder.
Türkmenistan Awazada deňze çykalgasy bolmadyk ösüp barýan ýurtlaryň ulag ministrleri derejesindäki maslahatyň çäginde ulag hyzmatdaşlygyny ösdürmek maksady bilen daşary ýurtly hyzmatdaşlarynyň birnäçesi bilen hyzmatdaşlyk baradaky resminamalara gol çekdi.
2022-nji ýylyň 15-nji we 16-njy awgustynda Awazada geçirilen deňze çykalgasy bolmadyk ösüp barýan ýurtlaryň ulag ministrleriniň derejesindäki halkara maslahat Jemleýji beýannamanyň kabul edilmegi bilen tamamlandy.
Ulag-logistika ugurlaryny açmak we Türkmenbaşy portunyň Dubaýyň, Abu-Dabiniň portlary bilen hyzmatdaşlygyny ýola goýmak, türkmen portunyň dünýä deňiz portlary ulgamyna birleşmek mümkinçiliklerini wise-premyer, Türkmenistanyň Daşary işler ministri Raşid Meredow bilen BAE-niň Energetika we infrastruktura ministri Suheil Al-Mazrui ara alnyp maslahatlaşdylar.
Ulag aragatnaşygy biziň ýurtlarymyzyň geljegi üçin, hususan-da, söwdanyň bahasyny peseltmek we dünýä bazarlaryna çykmagy gowulandyrmak, ykdysadyýetleriň we adamlaryň birleşmegine ýardam etmek, şeýle hem DÖM-na ýetmek üçin möhümdir.
Aşgabat Ylalaşygyna gatnaşyjy ýurtlaryň Awazada geçirilen Utgaşdyryjy geňeşiniň ikinji mejlisinde Türkmenistan, Eýran, Özbegistan we Gazagystan Halkara ulag we üstaşyr geçelgesini döretmek hakynda ylalaşyga (Aşgabat ylalaşygy) Goşmaça teswirnama gol çekdiler.
