OGT-2022 sergisi nebit we gaz pudagyndaky hyzmatdaşlyk üçin täze gözýetimleri açdy
Şu ýyl Türkmenistanyň nebit we gaz pudagynyň OGT-2022 halkara sergisi göwrümi bilen hem, şeýle-de täze tehniki serişdeleri ulanmakda hem onuň myhmanlarynda uly täsir galdyrdy. Şeýle hem şunuň ýaly iri çäreler, geçirilen halatyndan hem, birnäçe ýyl bäri diňe gibrid görnüşde ýa-da bütinleý onlaýn ýagdaýda geçirilendigi sebäpli, hakykatdan hem örän täsirli bolup görünýär.
Bu ugurda ýöriteleşen iri kompaniýalaryň wekilleri, megerem, hakykatdanam ýüzbe-ýüz gürleşmegi küýsän bolmaly, şol sebäpden hem gözden geçirilişiň her diwarlygynda diýen ýaly aýratyn gepleşikler «otagy» bar, bu ýerde esli wagtdan bäri üýşüp giden meseleleri ara alyp maslahatlaşyp we hyzmatdaşlygyň gözýetimlerini giňeltmek üçin amatly ýerdir.
Girelgede forumyň myhmanlaryny ilkinji bolup «Türkmengaz» we «Türkmennebit» döwlet konsernleriniň diwarlyklary garşy aldylar we VR baş gaplarynda wirtual görnüş arkaly infrastruktura desgalary bilen tanyşmagy teklip etdiler. Myhmanlaryň her bir tehnologiýany ulanmak bilen, belli bir wagtyň dowamynda Türkmenistandaky gaýtadan işleýän kärhananyň çägine ýa-da tebigy baýlyklaryň ýataklarynyň birine – mysal üçin, Galkynyş ýatagyna düşüp biler.
Adatça bolşy ýaly, halkara sergisine Türkmenistanyň nebitgaz pudagyndaky esasy hyzmatdaşlary, şol sanda CNPC, Dragon oil, Socar, PETRONAS, «Tatneft» we beýlekiler gatnaşýarlar.
Milli ykdysadyýeti diwersifikasiýa etmek wezipesinden ugur almak bilen, türkmen senagatynyň pudaklaýyn konsernleri, esasanam, sanlylaşdyrma, nebiti we gazy çuňňur arassalamak, şeýle hem olary gaýtadan işlemek bilen, ýokary goşulan bahasy bolan önümleri öndürmek boýunça halkara hyzmatdaşlary bilen bu pudakdaky gatnaşyklary giňeltmegi dowam etdirýärler.
Türkmenistanyň nebit-gaz bazaryna gyzyklanma bildirýän täze daşary ýurt kompaniýalarynyň sanynyň artmagy sergide bellärliklidir. Şeýlelik bilen, halkara sergisinde sebitiniň öňdebaryjy nebit-gaz kärhanalaryny bilen çykyş eden Russiýanyň Çelýabinsk oblastyndan gelen kompaniýalar üçin uly diwarlyk bölünip berildi.
Şeýle hem işleri nebit-gaz pudagynyň ösdürilmegi, ýangyç we energetika toplumy üçin dürli hyzmatlar bilen baglanyşykly türkmen kompaniýalarynyň sanynyň köpelendigini bellenmäge mynasypdyr. Mysal üçin, olar ýörite programma üpjünçiligini işläp düzmek we ony ornaşdyrmak, nebitçiler üçin iş egin-başlaryny tikmek, serwis hyzmatlaryny ýerine ýetirmek we ş.m. bilen meşgullanýarlar.
Serginiň ýokary guramaçylyk derejesi we iri halkara we milli nebit-gaz kompaniýalarynyň uly gyzyklanmasy paýtagtymyzda geçirilen OGT-2022 Halkara sergisini ýurdumyzda nebit-gaz pudagyny ösdürmek üçin möhüm we ylham beriji waka öwürdi.
Sapar MURADOW
Surat: ogt-turkmenistan.com
