Noýabryň ortalarynda Samarkantda ÝB-MA görnüşdäki çäreler geçiriler
Ministrleriň “Ýewropa Bileleşigi – Merkezi Aziýa” görnüşindäki duşuşygy hem-de özara baglanyşyklylyk boýunça “Durnukly ösüş üçin ählumumy derwezeler” atly ÝB-MA halkara maslahaty Samarkantda indiki aýda – 17-18-nji noýabrda geçiriler.
Çärelere Merkezi Aziýanyň bäş ýurdunyň daşary syýasat edaralarynyň ýolbaşçylary, Ýewropa Bileleşiginiň daşary işler we howpsuzlyk syýasaty boýunça ýokary wezipeli wekili Žozef Borrel, ÝB-niň halakar hyzmatdaşlyk boýunça komissary Ýutta Urpilaýnen, ÝB-ne agza döwletleriň, halkara maliýe institutlarynyň hem-dehususy ulgamyň ýokary wezipeli wekilleri, bilermenler gatnaşarlar.
Ministrleriň duşuşygynyň dowamynda ykdysadyýet, söwda, maýa goýumlar, daşky gurşaw, suw serişdeler, howa ulgamlarynda, şeýle hem häzirki zamanyň wehimlerine we çagyryşlaryna garşy hereket etmek babatda MA we ÝB ýurtlarynyň arasynda gatnaşyklary ösdürmegiň wajyp meselelerini ara alyp maslahatlaşmak meýilleşdirilýär.
Şeýle hem ministrleriň duşuşygynyň çäklerinde ÝB-MA ilkinji Ýaşlar forumy geçiriler.
“ÝB – Merkezi Aziýa” halkara maslahaty ÝB-niň “Ählumumy derwezeler” diýen başlangyjyna laýyklykda, durnukly özara baglanyşyklylygy öňe ilerletmek maksady bilen, hyzmatdaşlygy ösdürmäge, “ýaşyl” ösüşi goldamak we COVID-19 pandemiýasynyň täsirlerinden täzeden dikelmek ugrunda utgaşykly çäreleri işläp taýýarlamaga gşnükdirilendir.
Sanly ulgam arkaly habarlary neneňsi gowulandyrmaly – bu ugurda Ýewropa Bileleşigi birnäçe taslamalary maliýeleşdirýär; ulag ulgamyny nädip netijeli ösdürmeli; hem-de üçünjiden, suw hojalygy we energetika pudagy – ine, şular şu maslahatyň dowamynda garaljak esasy meseleler bolar.
ÝB-niň Merkezi Aziýa bilen durnukly özara baglanyşyklylyk boýunça Samarkant maslahaty ÝB-niň 2021-nji ýylyň 1-nji dekabrynda kabul eden “Ählumumy derwezeler” diýen täze strategiýasynyň çäklerindäki ilkinji sebitleýin maslahat bolar.
ORIENT news
