Gazagystanyň Prezidenti Kasym-Žomart Tokaýew Astanadaky diplomatik wekilhanalaryň ýolbaşçylary bilen geçiren duşuşygynda Merkezi Aziýanyň sebit we dünýä derejesinde barha artýan ähmiýeti barada belledi. Bu barada Anadolu agentligi habar berýär.
Türkmen parlamentiniň ýokarky palatasynyň başlygy Gurbanguly Berdimuhamedow Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen geçirilen duşuşykda türkmen-rus bilelikdäki hyzmatdaşlygyň esasy ugurlaryny kesgitledi – diýip, TDH gullugy habar berýär.
Çarşenbe güni Gazagystanyň Prezidenti Kasym-Žomart Tokaýew Hazar deňzinde türkmen-gazak döwlet serhediniň geçýän ugruny kesgitlemek we balyk tutulýan zolaklaryň ýanaşyk böleklerinde çäk çekmek hakynda Türkmenistan bilen şertnamany tassyklamak hakynda Kanuna gol çekdi. Ýurtlaryň arasyndaky ylalaşyga 2021-nji ýylyň oktýabr aýynda gol çekilipdi diýip, Gazagystanyň baştutanynyň metbugat gullugy habar berýär.
Türkmen parlamentiniň ýokarky palatasynyň başlygy Gurbanguly Berdimuhamedow telefon söhbetdeşliginiň barşynda Pakistanyň Senatynyň başlygy Muhammet Sadyk Sanjrani bilen bilelikdäki taslamalary durmuşa geçirmegiň we netijeli parlamentara gatnaşyklaryň çäklerindäki ikitaraplaýyn hyzmatdaşlygyň meselelerini ara alyp maslahatlaşdylar. Bu barada TDH gullugy habar berýär.
Sişenbe güni, 1-nji noýabrda ŞHG-na agza ýurtlaryň hökümet baştutanlarynyň (premýer-ministrleriniň) wideoaragatnaşyk arkaly 21-nji mejlisi geçirildi. Pekin tarapyndan çagyrylan bu mejlise Hytaýyň premýer-ministri Li Kesýan başlyklyk etdi.
Sişenbe güni, 1-nji noýabrda Federasiýa Geňeşi hem-de Türkmenistanyň Parlamentiniň ýokary palatasy parlamentara toparyny döretmek hakynda ylalaşyga gol çekdiler. Walentina Matwiýenkonyň sözlerine görä, munuň özi döwletleriň arayndaky hyzmatdaşlygy, şol sanda sebitleýin derejede pugtalandyrmaga mümkinçilik berer.
Türkmenistanyň Parlamentiniň Ýokary palatasynyň başlygy Gurbanguly Berdimuhamedow Russiýanyň paýtagtyna geldi. Dostlukly sapar üç gün dowam eder diýip, rus KHBS-i ýazýarlar.
Aşgabat nebit-gaz forumy OGT-2022-niň tamamlananyna heniz üç günem geçmänkä, Abu-Dabi global energodialogyň yzyny dowam etdirýär, ýagny 31-nji oktýabr, duşenbe güni bu ýerde ADIPEC halkara nebit sergisi we maslahaty açyldy. Bu pudakdaky köpsanly kompaniýanyň wekilleri Aşgabatda gozgalan möhüm pudak meselelerini ara alyp maslahatlaşmagy dowam etdirýärler.
Türkmen parlamentiniň ýokarky palatasynyň başlygy Gurbanguly Berdimuhamedow beýleki ýurtlaryň kanun çykaryjy guramalarynyň üsti bilen gatnaşyklary işjeňleşdirmek, dostlukly ýurtlaryň döwlet edaralary bilen bilelikdäki işleriň we netijeli hyzmatdaşlygyň esasy ugurlaryny kesgitlemek üçin täze başlangyçlaryň zerurdygyna ünsi çekdi.
Türki döwletleriň guramasynyň ulag boýunça ministrleri (OTG) Hazar deňzinde ýük paromlaryny bilelikde ýola goýmaga taýýardyklaryny mälim etdiler. Bu barada Guramanyň resmi saýtynda habar berilýär.
Türkmenistanyň Ahal welaýatynda anna güni irden üzüm nahallaryny oturtmak kampaniýasy geçirildi. Täze üzümçiligiň düýbüni tutmak "Organiki bakjalyk we onuň ekologiýa goşýan goşandy" atly okuw maslahatyndan soň geçirildi we dünýä tejribesinde deňi-taýy bolmadyk durmuş-bilim çäresine öwrüldi.
Mejlisiň – milli parlamentiň aşaky palatasynyň başlygy Gülşat Mämmedowanyň ýolbaşçylygyndaky türkmen wekiliýeti 27-28-nji oktýabrda Samarkantda iş saparynda bolup, GDA gatnaşyjy döwletleriň Parlamentara assambleýasynyň Geňeşiniň 54-nji mejlisiniň işine hem-de forumyň çäklerindäki çärelere gatnaşdy. Bu barada anna güni Türkmenistanyň DIM-niň saýtynda habar berilýär.
"Türkmennebit" Döwlet konserni ýangyç we energetika pudagy üçin enjam öndürýän Hytaýyň “Shandong kerui petroleum” kompaniýasy bilen şertnama baglaşdy. Oňa laýyklykda, türkmen tarapy umumy bahasy ABŞ-nyň 277,5 dollaryna barabar bolan önüm satyn alar.
Penşenbe güni Aşgabatda açylan "Türkmenistanyň nebiti we gazy" atly halkara forumynyň çäklerinde hyzmatdaşlyk hakynda resminamalara gol çekildi.
Azerbaýjanyň Döwlet nebit kompaniýasynyň (SOCAR) wekiliýeti çarşenbe güni Aşgabatda açylan "Türkmenistanyň nebiti we gazy" halkara forumyna gatnaşýar.
