Gurbanguly Berdimuhamedow Mary welaýatynyň daýhan birleşiklerine baryp gördi
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Mary welaýatynyň daýhan birleşiklerine baryp gördi we ol ýerde daýhanlara Türkmenistanyň Prezidentiniň adyndan gymmat bahaly sowgatlary gowşurdy we çekýän asylly zähmetleri üçin minnetdarlyk bildirdi - diýip, TDH habar berýär.
Milli Geňeşiň Halk Maslahatynyň Başlygy «Milli Goşun» daýhan birleşiginiň pagtaly meýdanlaryny synlady, soňra «Zarpçy» daýhan birleşiginiň bugdaý ekilen meýdanlaryna bardy, saparynyň soňunda bolsa «Marygallaönümleri» kärhanasynyň işi bilen tanyşdy.
Gurbanguly Berdimuhamedow ýerden bol hasyl alýan daýhanlara minnetdarlyk bildirdi we olara işlerinde üstünlikleri arzuw etdi. Şeýle hem çekilýän zähmetiň has netijeli bolmagy we goýlan maksatlaryň öz wagtynda berjaý edilmegi üçin daýhanlar tarapyndan täze innowasion tehnologiýalaryň ulanylýandygy bellenip geçildi.
Iş saparynyň ahyrynda Türkmenistanyň Mejlisiniň ýokarky palatasynyň başlygy ýurduň syýasy partiýalarynyň ýolbaşçylarynyň we Mary welaýatynyň häkiminiň gatnaşmagynda iş maslahatyny geçirdi, onda welaýatlary durmuş-ykdysady taýdan ösdürmegiň we oba hojalyk işleriniň alnyp barlyşynyň meseleleri ara alyp maslahatlaşyldy.
ORIENT news
Surat: Altyn Asyr teleýaýlymy
