Geljekki 180 sany türkmen lukmany Astrahanyňlukmançylyk uniwersitetinde okaýar
Türkmenistanyň Astrahandaky diplomatik wekilhanasynyň resmi saýtynda Türkmenistanyň konsuly Nury Gölliýewiň Astrahan uniwersitetiniň rektory Olga Başkina bilen bolan duşuşygyndan soň berilýän habara görä, Astrahanyň döwlet lukmançylyk uniwersitetinde dürli hünärler we ugurlar boýunça Türkmenistandan 180 sany talyp bilim alýar.
Häzirki wagtda Türkmenistandan gelen lukman-ordinatorlar Russiýanyň uniwersitetinde diplomdan soňky taýýarlygyny geçýärler.
Duşuşykdan soň taraplar hyzmatdaşlygyň hem-de ylmy we amaly maslahatlary, akademiki alyş-çalyşlary, bilelikdäki ylmy barlaglary we lukmançylyk olimpiadalaryny geçirmegiň geljegini ara alyp maslahatlaşdylar.
Şeýle hem 2019-njy ýylda Myrat Garryýew adyndaky Türkmenistanyň Döwlet lukmançylyk uniwersiteti bilen bilelikde ylmy-gözleg işleri alyp barmak barada ähtnama gol çeken Astrahan döwlet lukmançylyk uniwersitetinde türkmen raýatlarynyň bilim almagy bilen baglanyşykly möhüm meseleler ara alnyp maslahatlaşyldy.
ORIENT news
Surat: astrakhan.aif.ru
