Türkmenistanda adam hukuklary boýunça Ygtyýarlandyrylan Ýazdursun Gurbannazarowa Garaşsyz Döwletleriň Arkalaşygyndaky kärdeşleri bilen GDA-nyň ombudsmenleriniň Arkalaşygyň Ýerine ýetiriji komitetiniň bölüminde geçirilen mejlisinde raýatlaryň adam hukuklaryny we bähbitlerini goramak meselesini ara alyp maslahatlaşyldy. Bu barada guramanyň resmi internet sahypasy habar berýär.
Ykdysady hyzmatdaşlyk boýunça hökümetara türkmen-rus toparynyň ýolbaşçylary – premýer-ministrler Raşid Meredow we Alekseý Owerçuk sişenbe güni Aşgabatda gepleşikleri geçirip, 6-7-nji dekabrda Moskwada meýilleşdirilýän HAT ýygnagynyň gün tertibini ara alyp maslahatlaşdylar.
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Mary welaýatynyň daýhan birleşiklerine baryp gördi we ol ýerde daýhanlara Türkmenistanyň Prezidentiniň adyndan gymmat bahaly sowgatlary gowşurdy we çekýän asylly zähmetleri üçin minnetdarlyk bildirdi - diýip, TDH habar berýär.
Prezident Serdar Berdimuhamedow Russiýa Federasiýasynyň hökümet başlygynyň orunbasary, Hökümetara türkmen-rus ykdysady hyzmatdaşlyk toparynyň RF tarapyndan başlygy Alekseý Owerçugy kabul etdi.
«Türkmenistan» awiakompaniýasynyň halkara howa gatnawlarynyň peteklerini ýene-de onlaýn görnüşde satyn alyp bilersiňiz, bu barada awiakompaniýanyň resmi web aýty habar berýär.
Türkmenistanyň Prezidenti Serdar Berdimuhamedow Polşa Respublikasynyň baştutany Anjeý Dudany Milli Garaşsyzlyk güni bilen gutlady, bu barada TDH habar berýär.
Türkmenistanyň parlamentiniň aşaky palatasy etraplaryň, şäherleriň, welaýatlaryň häkimlikleriniň towakganamalaryny, Türkmenistanyň Ministrler Kabinetiniň teklipnamasyny nazara alyp, ýurduň çäk gurluşyny kämilleşdirmek maksady bilen, Türkmenistanyň dolandyryş-çäk bölünmesi barada ozal seredilip geçilen teklipleri durmuşa geçirmek karara geldi.
Türkiýäniň Prezidenti Rejep Taýyp Erdogan dekabr aýynyň başynda Azerbaýjanyň we Türkmenistanyň ýolbaşçylary bilen Russiýa tarapyndan teklip edilýän "gaz merkeziniň" taslamasyny ara alyp maslahatlaşmak isleýändigini aýtdy – diýip “РИА Новости” habar berýär.
Aşgabatda geçirilen "TürkmenTel-2022" XV Halkara ylmy maslahatynyň ikinji güni aragatnaşyk, kiberhowpsuzlyk we maglumatlary goramak temalaryna bagyşlandy. Köp ýyllaryň dowamynda Türkmentel konferensiýasy köp ýurtlaryň wekillerini ýygnap, telekommunikasiýa we maglumat tehnologiýalaryny ösdürmekde möhüm meseleleri gozgaýan sebitdäki möhüm ähmiýetli wakalaryň birine öwrüldi.
Türkmen parlamentiniň Ýokary palatasynyň Başlygy Gurbanguly Berdimuhamedow 11-nji noýabrda Özbegistanyň Samarkand şäherinde Türki döwletleriň guramasynyň (TDG) sammitiniň çäklerinde Gyrgyz Respublikasynyň prezidenti Sadyr Žaparow bilen duşuşdy. Bu barada Gyrgyz Respublikasynyň prezidentiniň resmi saýty habar berýär.
Şu günler Aşgabatda halkara telekommunikasiýa jemgyýetçiligi “Türkmentel-2022” sergisine hem-de MKT ulgamynda esasy hünärmenler we düzgünleşdirijiler üçin adybir maslahata gatnaşýarlar. Olar bu ulgamdaky wajyp meseleleriň üstünde pikir etmek, olary çözmegiň ýollaryny kesgitlemek hem-de täze aragatnaşyklary ýola goýmak üçin bu ýere ýygnandylar.
Samarkantda Türki döwletleriň guramasynyň (TDG) sammitiniň öňüsyrasynda TDG-ä girýän ýurtlaryň daşary işler ministrleriniň geňeşiniň mejlisi geçirildi.
Aşgabatda, Söwda-senagat edarasynyň binasynda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel-2022» atly halkara forum geçirilýär.
Aşgabatda geçirilýän "TürkmenTel-2022" maglumat-kommunikasiýa tehnologiýalarynyň sergisi bu ugurda täzeçillikleriň, programma üpjünçiliginiň, IT-hyzmat kompaniýalarynyň we maslahat beriş hyzmatlarynyň giň gerimini hödürleýär.
Aşgabatda, Söwda-senagat edarasynyň binasynda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2022» atly halkara forum başlandy.
