Türkmen gazyndan öndürilen elektrik energiýasy Togtogul suw howdanyny suw ýetmezçiliginden halas bolmaga kömek etdi
Togtogul suw howdanyndaky işleriň togtadylmagynyň öňüni almak – suwuň iň aşaky derejä çenli peselmegine ýol bermezlik üçin Özbegistan türkmen tarapyndan üpjün edilýän gazyň kömegi bilen öndürilen elektrik energiýasyny Gyrgyzystana iberdi, – diýip, iki respublikanyň energetika ministrliginiň bilelikdäki beýanatynda aýdylýar.
Muny şeýle etmek Özbegistanyň artykmaç elektrik toguny Gyrgyzystana zerur bolan wagty ibermegi göz öňünde tutýan Teswirnamanyň çäklerinde amala aşyrylýar, tomsuna bolsa şonça möçberdäki elektrik energiýasy gyrgyz gidroelektrik stansiýalaryndan yzyna alynýar.
Özbegistanda sagat 17:00-dan sagat 21:00 çenli elektrik energiýasynyň sarp edişiniň artýandygy bellenilýär. Gyrgyzystan bu elektrik energiýasyna bolan zerurlygy 4 sagadyň dowamynda ýapýar, onuň ýerine bolsa gije Özbegistandan elektrik energiýasyny alýar.
Gyrgyzystan we Özbegistan – ikisi-de Türkmenistanyň elektrik energiýasyny satyn alýan iri import edijilerdir.
ORIENT habarlar
Surat: baibol.kg
