Ýanwar-oktýabr aýlarynda Türkmenistan bilen Azerbaýjanyň arasyndaky söwda dolanyşygy 5 esse ýokarlandy
Soňky 10 aýyň dowamynda Türkmenistan bilen Azerbaýjanyň arasyndaky söwda dolanyşygy takmynan 5 esse ýokarlandy. Bu barada Türkmen parlamentiniň ýokarky palatasynyň Başlygy Gurbanguly Berdimuhamedow azerbaýjanly kärdeşi Sahiba Gafarowa bilen duşuşygynda aýtdy – diýip, TDH agentligi ýazýar.
Iki ýurduň arasynda söwda we ykdysady hyzmatdaşlygy ösdürmekdäki ägirt uly orun özara gyzyklanma döredýän meseleleri çözmegiň täsirli guraly bolan hökümetara toparyna degişlidir.
Toparyň alyp barýan işleriniň netijesinde maýa goýum hyzmatdaşlygy giňelýär, Türkmenistan bilen Azerbaýjanyň arasynda işewür gatnaşyklar ýola goýulýar. Şunuň bilen baglylykda, taraplar bilelikdäki maýa goýum taslamalaryny durmuşa geçirmek üçin amatly şertleri döretmekde kanuny goldawyň zerurdygyny bellediler.
Iki ýurduň arasyndaky ykdysady hyzmatdaşlygy giňeltmegiň geljegi Türkmenistanyň Daşary işler ministri Raşid Meredowyň Bakuda Azerbaýjanyň ykdysady edarasynyň başlygy Mikail Jabbarow bilen bolan duşuşygynda hem ara alnyp maslahatlaşyldy
ORIENT news
Surat: eurodom-vp.ru
