Türkmenistanyň we Russiýanyň gümrük gulluklary işgärleri taýýarlamakda hyzmatdaşlygy güýçlendirer
Türkmenistanyň döwlet gümrük gullugy bilen Russiýanyň Federal gümrük gullugynyň arasynda bilelikdäki hereket meýilnamasyny durmuşa geçirmek boýunça iş toparynyň agzalary, işgärleri taýýarlamak pudagyndaky Hyzmatdaşlyk Ähtnamasyny baglaşmak meselesini ara alyp maslahatlaşdylar – diýip, türkmen gümrük edarasynyň saýty habar berýär.
Şeýle hem, iş toparynyň agzalary iki ýurduň arasynda harytlaryň we ulaglaryň daşalmagynda gümrük amallaryny ýerine ýetirmegiň, gümrük kanuny bozulmalaryna garşy göreşde hyzmatdaşlygyň ýönekeýleşdirilen tertibini guramak mümkinçiligini gözden geçirdiler.
Häzirki wagtda Türkmenistan bilen Russiýanyň gümrük edaralarynyň arasynda Russiýa Federasiýasy hem-de Türkmenistanyň arasynda daşalýan harytlaryň gümrük gymmaty barada resminamalary we maglumatlary alyşmak barada teswirnama hereket edýär.
Şeýle hem, Russiýanyň Federal gümrük gullugy bilen Türkmenistanyň Statistika baradaky döwlet komitetiniň arasyndaky Ähtnamanyň çäginde özara söwda hakyndaky statistiki maglumatlaryň alyş-çalşygy geçýär.
ORIENT news
Surat: customs.gov.tm
