Aşgabat we Astana ýer titremeleriniň netijeleriniň barlaglaryny geçirmek boýunça hyzmatdaşlyk ederler
Aşgabat we Astana serhetýaka çäklerinde dörän ýer titremeleriniň täsirleriniň makroseýsmiki barlaglaryny guramakda we geçirmekde, okuw jaýlarynda bu ugurdan hünärmenleri taýýarlamakda hyzmatdaşlyk ederler, şeýle hem tejribelik geçjekleri, mugallymlary, alymlary we hünärmenleri alşarlar – diýip, zakon.kz habar berýär.
Bu çäreler Gazagystanyň prezidenti Kasym-Žomart Tokaýew tarapyndan gol çekilen «Gazagystan Respublikasynyň Hökümetiniň we Türkmenistanyň Hökümetiniň arasynda raýat goranyşy, adatdan daşary ýagdaýlary duýdurmak we netijelerini ýok etmek hakynda Ylalaşygy tassyklamak» hakynda kanunyň çäklerinde amala aşyrylar.
Şunuň bilen bir hatarda Respublikanyň döwlet baştutany «Gazagystan Respublikasynyň Hökümetiniň we Özbegistan Respublikasynyň Hökümetiniň arasynda raýat goranyşy, adatdan daşary ýagdaýlary duýdurmak we netijelerini ýok etmek hakynda Ylalaşygy tassyklamak» hakynda kanuna hem gol çekdi.
ORIENT news
Surat: Yandex
