Merkezi Aziýada serhetleri dolandyrmaga ýardam emek boýunça maksatnama (BOMKA) Türkmenistanyň Döwlet gümrük gullugynyň Okuw merkezine okuw kurslaryny taýýarlamak we geçirmek boýunça okuw gollanmalaryny berdi. Bu barada Türkmenistanyň Döwlet gümrük gullugynyň saýtynda habar berilýär.
Türkmenistan we Bolgarýa ýakyn geljekde ýokary derejedäki ikitaraplaýyn saparlaryň guralmagyna, şeýle hem iki ýurduň DIM-niň baştutanlarynyň derejesinde syýasy maslahatlaşmalaryň geçirilmegine gyzyklanýar.
Türkmenistanyň wekili GDA agza döwletleriň maliýe aňtawçylyk bölüminiň ýolbaşçylarynyň Geňeşiniň 22-nji mejlisine gatnaşdy – diýip, Arkalaşygyň Ýerine ýetiriji komitetiniň saýty habar berýär. Bu mejlise Türkmenistan synçy hökmünde gatnaşdy.
Türkmenistanyň Senagatçylar we telekeçiler birleşmesiniň sergisi 17-23-nji mart aralygynda Aşgabatda geçiriler. Ýurdumyzyň hususy pudagynyň ykdysady üstünliklerine, harytlaryna, taslamalaryna we hyzmatlaryna syn, adatça şu ýyl 15 ýyllygyny belleýän TSTB-niň döredilmegine bagyşlanýar.
Türkmenistanyň nebit-gaz pudagyna daşary ýurt maýa goýumlaryny çekmek boýunça Halkara forum 26-27-nji aprelde BAE-niň Dubaý şäherinde geçiriler. Bu iri daşarky çärä görülýän taýýarlyk barada wise-premýer Aşyrguly Begliýew prezidente hasabat berdi.
Anna güni geçirilen mejlisde Özbegistanyň parlamentiniň kanun çykaryjy (aşaky) palatasynyň deputatlary respublikanyň täze konstitusiýasy boýunça 30-njy aprelde referendum geçirmek barada karar kabul etdiler – diýip, RIA-nyň habarçysy ýazýar.
Eýran bilen Saud Arabystany diplomatik gatnaşyklaryny dikeltmek barada ylalaşyga gol çekdiler, iki aýyň içinde ilçihanalary açmak meýilleşdirilýär – diýlip, Eýran hökümeti tarapyndan çap edilen beýanatda habar berilýär.
Türkmenistanyň wekiliýeti Daşkentde geçýän raýat jemgyýetiniň «ÝB-Merkezi Aziýa» 4-nji forumyna gatnaşýar, onda ýaşlaryň karar kabul etmäge gatnaşmagy, gender deňliginiň we daşky gurşawy goramagyň meseleleri ara alnyp maslahatlaşylýar.
Si Szinpin halk wekilleriniň Umumyhytaý ýygnagynyň deputatlary tarapyndan HHR-nyň başlyklygyna üçünji möhlete biragyzdan gaýtadan saýlandy – diýip, «Sinhua» habar berýär.
Ýük daşamalarynyň artdyrylmagyny, senagat kärhanalarynyň döredilmegini we ulag geçelgeleriň ulanylmagyny Duşanbede Türkmenistanyň DIM-niň baştutany Raşid Meredow we Täjigistanyň prezidenti Emomali Rahmon ara alyp maslahatlaşdylar.
Türkiýädäki ähliumumy saýlawlar 14-nji maýa bellenendir. Degişli permana ýurduň prezidenti Rejep Taýyp Ärdogan gol çekdi – diýip, ýerli KHBS-i habar berýärler.
Prezident Serdar Berdimuhamedowyň apreliň birinji ýarymynda Duşanbä boljak döwlet saparyna taýýarlyk meselelerini Türkmenistanyň we Täjigistanyň DIM-niň baştutanlary ara alyp maslahatlaşdylar.
GDA-dan synçylaryň missiýasy Türkmenistanda parlamentiň (Mejlisiň) ýedinji çagyrylyşyna deputatlaryň saýlawlarynyň geçirilişine görülýän taýýarlyk we geçirilişini monitoring etmäge girişdi. Bu barada Arkalaşygyň metbugat gullugy habar berýär.
Çili Respublikasynyň täze ilçisi Rodrigo Enrike Arkos Kastro Türkmenistanyň Mejlisiniň Başlygy Gülşat Mämmedowa ynanç hatyny gowşurdy.
Owganystanyň goňşy ýurtlarynyň ýörite wekilleriniň ilkinji ýygnagyna gatnaşanlar ýurduň maliýe serişdeleriniň daşary ýurt banklarynda doňunyň aýrylmagy barada gürrüň etdiler. Bu barada sişenbe güni Özbegistanyň prezidentiniň Owganystan boýunça ýörite wekili Ysmatulla Irgaşew aýtdy.
