Türkmenistanyň Katardaky ilçihanasy Serdar Berdimuhamedowyň Doha saparynyň çäklerinde açylar
Türkmenistanyň Katar döwletindäki ilçihanasyny Prezident Serdar Berdimuhamedowyň Doha saparynyň çäklerinde açarlar – diýip, Türkmenistanyň hökümetiniň 17-nji martda bolan mejlisiniň jemleri boýunça TDH bahar berýär.
Döwlet baştutany daşary işler ministri Raşid Meredowa meýilleşdirilen sapara gowy taýýarlyk görmegi tabşyrdy. Bu saparyň barşynda Ýakyn Gündogar bilen hyzmatdaşlygy pugtalandyrmak üçin wajyp bolan birnäçe resminamalara gol çekilmegine garaşylýar.
Katarda Türkmenistanyň ilçihanasyny açmak baradaky karara ozal döwlet baştutany tarapyndan geçen ýylyň dekabr aýynda gol çekilipdi. Bu arap döwleti Aşgabatdaky ilçihanasyny 2014-nji ýyl açypdy.
Türkmenistan bilen Kataryň arasyndaky diplomatik gatnaşyklar 1996-njy ýylda ýola goýlupdy.
ORIENT habarlar
