Türkmenistanyň Adatdan daşary we Doly ygtyýarly ilçisi Esen Aýdogdyýew duşenbe güni, 4-nji dekabrda Russiýa Federasiýasynyň Prezidenti Wladimir Putine ynanç hatyny gowşurdy.
Moskwada Russiýa Federasiýasynyň Hökümetiniň Başlygynyň orunbasary Alekseý Owerçuk bilen Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň arasynda duşuşyk geçirildi.
Özbegistanyň paýtagtynyň metropolitenindäki “Halklaryň dostlugy” stansiýasynda ilkinji gezek eliň aýasyny skaner etmek arkaly töleg amaly ýola goýuldy. Bu barada ýurduň Milli habarlar agentligi Daşkent şäher häkimliginiň metbugat gullugyna salgylanyp habar berýär.
Türkmenistanyň Gyrgyzystandaky ilçihanasy Bişkek şäherinde “Adamzadyň ruhy-medeni gymmatlyklarynda Magtymguly Pyragynyň orny” atly halkara ylmy maslahaty gurady. Bu barada Türkmenistanyň diplomatik wekilhanasynyň saýty habar berýär.
Gepleşikler Hazarýaka döwletleriniň daşary işler ministrleriniň 5-nji dekabrda meýilleşdirilýän mejlisiniň çäklerinde geçirildi.
“Airbus” kompaniýasy has aňsat we has ygtybarly dikuçar dolandyryşy üçin tehnologiýany kämilleşdirmegiň bir bölegi hökmünde dikuçarlary planşet arkaly özbaşdak dolandyrmaga mümkinçilik berýän ulgamy döretdi.
Hepdäniň birinji ýarymynda üýtgäp durýan bulutly howa bolar. Ikinji ýarymynda howanyň sowamagyna garaşylýar. Hepdäniň ahyrynda gündizlerine howanyň ortaça temperaturasy +9 ℃ töwereklerinde saklanyp, gijelerine -10 ℃ çenli düşer.
2-nji dekabrda Türkmenistanyň Döwlet haryt çig-mal biržasynda geçirilen söwdalaşyklarda ýurduň nebithimiýa önümleri ýerlenildi.
2-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Aşgabat şäheri boýunça iş saparyny amala aşyryp, Söwda-senagat edarasynda Hökümet agzalarynyň, Halk Maslahatyň Diwanynyň Iş dolandyryjysynyň we beýleki ýolbaşçylaryň gatnaşmagynda iş maslahatyny geçirdi.
Dekabr aýynyň başynda ýekşenbe, açyk howaly we birneme şemally günde - kiçi baýramdan lezzet almak üçin amatly şertler. Täze ýyl ýakynlaşýar we Aşgabat Halkara mekdebi (AHM) eýýäm gowy däbe öwrülen çäräni - ýene bir gyş baýramyny geçirdi.
Dubaýda COP28 howa maslahatyna gatnaşýan Türkmenistanyň Prezidenti Serdar Berdimuhamedow BAE-niň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur Bin Zaýed Al Nahaýýan bilen duşuşdy.
Gyş paslynyň ilkinji gününde - 1-nji dekabrda Türkmenistanyň Döwlet haryt çig-mal biržasynda geçirilen söwdalaşyklarda içerki we daşarky bazara ýeňil senagatyň önümleri we el halylary satyldy.
Türkmenistanyň Prezidenti Serdar Berdimuhamedow diplomatik gatnaşyklaryň ýola goýulmagynyň 30 ýyllygy mynasybetli Zambiýa Respublikasynyň Prezidenti Hakainde Hiçilemany gutlady. Bu barada Türkmenistanyň Döwlet habarlar agentligi mälim edýär.
COP28 konferensiýasynyň çäginde Türkmenistanyň Prezidenti Serdar Berdimuhamedow Birleşen Milletler Guramasynyň Daşky gurşaw boýunça maksatnamasynyň (UNEP) Ýerine ýetiriji direktory, BMG-niň Baş sekretarynyň orunbasary hanym Inger Andersen bilen duşuşdy.
2012-nji ýylda kabul edilen Howanyň üýtgemegi baradaky Milli strategiýa Türkmenistanyň ählumumy howa gün tertibine doly derejede goşulyşmagynyň ýolunda başlangyç nokada öwrüldi diýip, Prezident Serdar Berdimuhamedow Dubaý şäherinde geçirilen BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň maslahatynda (COP-28) eden çykyşynda mälim etdi.
