Türkmenistanyň Döwlet-haryt çig mal biržasynyň söwdalarynda nebithimiýa, ýeňil senagaty önümleri we elde dokalan halylar ýerlenildi
15-nji dekabrda anna güni Türkmenistanyň Döwlet-haryt çig mal biržasynyň söwdalarynda içerki we daşarky bazarlar üçin nebithimiýa, ýeňil senagaty önümleri we elde dokalan halylar ýerlenildi.
Daşarky bazarda Birleşen Arap Emirlikleriniň telekeçileri Türkmenistanyň Dokma senagaty ministrligi bilen “Flanel” we “Kreton” ýorgan-düşek toplumlaryny, “Gabardin”, “Panama”, “Flanel” aşgarlanmadyk nah matalaryny hem-de nah ýüplügini satyn almak barada geleşik baglaşdylar.
Türk işewürleri türkmen kompaniýalary bilen arassalanan pagta galyndylaryny, ikinji derejeli galyndylary we beýleki galyndylary satyn almak barada geleşik başlaşdylar.
Içerki bazar üçin ýurdumyzyň işewür toparlarynyň wekilleri “Türkmennebit” döwlet konserni bilen “TPP D 30 S” kysymly polipropileni, Dokma senagaty ministrligi bilen aşgarlanmadyk nah ýüplügini, nah ýüplügini we dokma nah ýüplügini satyn almak barada geleşikleri baglaşdylar. Şeýle hem olar elde dokalan halylary satyn aldylar.
Söwdalaryň dowamynda jemi bahasy 13 345 975, 80 manat we 1 996 968, 64 dollar bolan 13 geleşik baglaşyldy.
ORIENT news
