Türkmenistanyň Prezidenti Kuweýt Döwletiniň Emiriniň aradan çykmagy zerarly gynanç bildirdi
Prezident Serdar Berdimuhamedow Kuweýt Döwletiniň Emiri Şeýh Mişal Al-Ahmad Al-Jaber Al-Sabaha onuň Alyjenaby Kuweýt Döwletiniň Emiri Şeýh Nawaf Al-Ahmed Al-Jaber Al-Sabahyň aradan çykmagy zerarly gynanç hatyny iberdi. Bu barada Türkmenistanyň Döwlet habarlar agentligi mälim edýär.
“Goý, Gudraty güýçli Allatagala şu agyr pursatda Size we maşgala agzalaryňyza ruhy durnuklylyk we sabyrlylyk bersin” diýlip, hatda bellenýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem özüniň medet beriji sözlerini iberdi. Hatda bellenilişi ýaly, Şeýh Nawaf Al-Ahmed Al-Jaber Al-Sabah köp ýyllaryň dowamynda dürli wezipelerde işlemek bilen, Kuweýt Döwletiniň ösmegine uly goşant goşdy.
Emir Şeýh Nawaf 86 ýaşynda aradan çykdy. Ol Kuweýt Döwletiniň 16-njy Emiridir. Onuň ýerine 83 ýaşly Şeýh Mişal Al-Ahmad Al-Jaber Al-Sabah ýurduň Emiri boldy.
ORIENT news
