5-nji iýulda Birleşen Milletler Guramasynyň Baş sekretary Antoniu Guterriş türkmen paýtagtyna resmi sapar bilen geldi. Aşgabadyň Halkara howa menzilinde belent mertebeli myhmany türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow garşylady. Bu barada “Watan” habarlar gepleşiginde aýdylýar.
Minskde geçirilen Garaşsyz Döwletleriň Arkalaşygyna agza döwletleriň Arkalaşygyň Tertipnamalaýyn we beýleki edaralarynyň ýanyndaky hemişelik doly ygtyýarly wekilleriniň Geňeşiniň nobatdaky mejlisinde GDA ýurtlarynyň hemişelik wekilleri 24-nji maýda Aşgabatda geçirilen Arkalaşygyň Hökümet Baştutanlarynyň Geňeşiniň nobatdaky mejlisiniň jemini jemlediler. Bu barada Arkalaşygyň Ýerine ýetiriji komitetiniň metbugat gullugy habar berýär.
Belarus Şanhaý Hyzmatdaşlyk Guramasynyň resmi taýdan doly hukukly agzasy boldy. Astanada geçen ŞHG-a agza döwletleriň baştutanlarynyň geňeşiniň mejlisinde bu baradaky çözgüde gol çekildi.
BMG-niň Baş Assambleýasynyň 78-nji mejlisinde Hytaýyň teklip eden emeli aňyň mümkinçiliklerini ösdürmek ulgamynda halkara hyzmatdaşlygyny pugtalandyrmak hakynda Kararnamasy biragyzdan kabul edildi. Bu barada «China daily» agentligi habar berýär.
2004-nji ýyldan bäri iýeniň dizaýnyny üýtgetmedik Ýaponiýanyň banky täze pul birliklerini dolanyşyga girizdi diýip, düzgünleşdirijiniň metbugat gullugy habar berýär.
4-nji iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Gazagystan Respublikasynyň Prezidenti Kasym-Žomart Tokaýew bilen duşuşygy boldy.
Türkmenistan ŞHG-ny möhüm ähmiýetli we geljegi uly hyzmatdaş hasaplaýar diýip, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 4-nji iýunda Astanada Şanhaý Hyzmatdaşlyk Guramasynyň (ŞHG) Sammitiniň çäklerinde geçirilen wekiliýet baştutanlarynyň «ŞHG+» görnüşindäki duşuşygyndaky çykyşynda belledi diýip TDH habar berýär.
Çarşenbe güni, 3-nji iýulda, Türkmenistanyň Döwlet haryt-çig mal biržasynyň söwdalarynda nebithimiýa pudagynyň önümleri we el halylary ýerlenildi.
3-nji iýulda Belarus Respublikasy esasy döwlet baýramyny—Garaşsyzlyk gününi hem-de ýurduň nemes-faşist basybalyjylaryndan azat edilmeginiň 80 ýyllygyny belleýär.
2-nji iýulda, sişende güni, Türkmenistanyň döwlet haryt çig-mal biržasynyň söwdalarynda EKO-93 kysymly awtomenzil ýerlenildi.
Duşenbe güni, 1-nji iýulda, Türkmenistanyň Döwlet haryt-çig mal biržasynyň söwdalarynda ýeňil senagat önümleri hem-de gurluşyk harytlary uly islegden peýdalandy.
2024-nji ýylyň 8-12-nji iýulynda “Türkmenhowaýollary” agentliginiň awiasiýa işgärlerini taýýarlamak mekdebinde hünär derejesini ýokarlandyrmak boýunça okuw maslahaty geçiriler. Bu barada agentligiň resmi saýtynda habar berilýär.
Türkmenistanyň Daşary işler ministrliginiň halkara gtanaşyklary institutynyň ylym-usulyýet merkezi saglygy goraýyş ulgamyny sanlylaşdyrmak boýunça işläp taýýarlamalaryň tanyşdyrylýan ýerine öwrüldi.
28-nji iýunda Eýranda nobatdan daşary Prezident saýlawlarynda dalaşgärleriň hiç biri hem sesleriň 50 göterimini almagy başarmady.
Garaşsyz Döwletleriň Arkalaşygynyň birinji sebitara forumy Belarusyň we Russiýanyň sebitleriniň forumynyň tejribesi esasynda taýýarlanylar. Bu barada Moskwada geçirilen GDA-nyň Ykdysady geňeşiniň mejlisinde habar berildi.
