Ýaponiýanyň Premýer-ministri Fumio Kisida möhletinden öň wezipesinden gidýär
Ýaponiýanyň Premýer-ministri Fumio Kisida 14-nji awgustda metbugat maslahatynda eden çykyşynda Liberal-demokratik partiýasynyň liderliginiň ikinji möhletiniň saýlawlaryna gatnaşmajagy barada habar berdi.
“Bu saýlawlarda täze Liberal-demokratik partiýasyny (LDP) we onuň özgerişini halka açyp görkezmeli. Munuň üçin aýdyň we açyk saýlawlaryň, erkin we açyk çekişmeleriň geçirilmegi zerurdyr. Liberal-demokratik partiýasynyň özgerýändigi baradaky ilkinji aýdyň ädimi meniň wezipeden gitmegim bolar. Geljekki saýlawlarda men öz dalaşgärligimi hödürlemeýän” – diýip, premýer-ministriň edarasynyň berýän maglumatlaryna görä Kisida habar berdi.
Kisidanyň aýtmagyna görä, Ministrler Kabinetiniň Başlygy wezipesinden gitmegi onuň premýerlik eden döwründe ýurtda bolup geçen syýasy dawalar bilen şertlendirildi. “Meniň partiýadaşlarym tarapyndan döredilen ähli kynçylyklar bilen baglanyşykly jogapkärçiligi men ikirjeňlenmän öz üstüme aldym. Meniň diplomatik tertibimde biraz aralyk döredi. Men bu wagty täze lideriň saýlawlaryna gatnaşmak üçin peýadalanasym gelýär” – diýip, syýasatçy aýtdy.
Häzirki wagtda LDP özüniň ýaranlary bilen Parlamentiň aşaky palatasynda 465 sany hukuk resminamalaryndan 290 sanysyna gözegçilik edýär. We dolandyryjy partiýa özüne täze lider saýlanyndan soňra, ol premýer-ministr wezipesinde Kisidany çalyşar. Parlament saýlawlary 2025-nji ýylyň oktýabr aýyna bellenen.
Associated Press habarlar agentliginiň ýazmagyna görä, Kisidany çalyşmana ähtimal dalaşgärler Partiýanyň Baş sekretary Tosimisu Motegi, Sanly tehnologiýalarynyň ministri Taro Kono, Ykdysady howpsuzlyk ministri Sanae Takaiti ýa-da Daşary işler ministri Ýoko Kamiwaku bolup bilerler. The Wall Street Journal neşiri mundan başga-da öňki premýer-ministr Dzýunitiro Koidzuminiň (2001-2006) ogly 43 ýaşly deputat Sindziro Koidzuminiň hem-de Ykdysady howpsuzlygyň öňki ministri Takaýuki Kobaýasiniň atlaryny hem getirýärler.
ORIENT news
